Page Text
________________
કીર્તિ વરે. કોઈ માણસનું વ્યક્તિત્વ એવું હોય કે તે જોતાંની સાથે જ ગમી જાય અને સૌને પ્રિય થઈ પડે અને કોઈ કેટલુંયે કરે તો પણ લોકોને તે માણસ ગમે જ નહીં.
ઘરમાં અને સમાજમાં કોઈનો પડ્યો બોલ ઝિલાય અને સૌ તેણે કહેલી વાત સ્વીકારી લે અને બીજી બાજુ કોઈ સાચી વાત કહેતો હોય પણ લોકો તેને સાંભળે જ નહિ. - એવા પણ માણસો જોવા મળે છે કે તેઓ ધૂળમાં હાથ નાંખે ત્યાંથી પણ તેમને ધન મળે અને બીજી બાજુ એવા પણ માણસો હોય છે કે જેઓ સવારથી સાંજ સુધી તનતોડ મહેનત ક્ય કરે ત્યારે માંડ ખાવા ભેગા થાય.
જીવનમાં કોઈનાં બધાં કામ સરળતાથી થતાં રહે અને બધું તેને સાહજિક રીતે આવી મળે તો બીજી બાજુ એવા પણ માણસો હોય છે કે જેમનું કોઈ કામ સીધું ઊતરે જ નહિ.
આ બાબતમાં વાનગોંગનો દાખલો જાણવા જેવો છે. દુનિયાના આ શ્રેષ્ઠ ચિત્રકારની તેના જીવતાં ક્યારેય કદર થઈ નહીં અને તેના મર્યા પછી તેનાં ચિત્રોની અભૂતપૂર્વ માગ થવા લાગી. તેનાં ચિત્રો એટલં વખણાયાં કે લોકોએ મોં માંગ્યા દામ આપી તે ચિત્રો ખરીદ્યાં, જયારે તેનાં જીવતાં માંડ એકાદું ચિત્ર વેચાયેલું, જીવતાં તેને કોઈએ જાણ્યો નહીં અને મરણ પછી તેની કીર્તિ દુનિયાભરમાં પ્રસરી ગઈ.
આ બધું આપણને દુનિયામાં રોજ જોવા મળે છે. આમાંથી આપણી સાથે પણ આવું કંઈક ઘટિત થયું હશે કે થતું હશે જે આપણે સહી લેવું પડ્યું હશે. તે વખતે આપણાં મનમાં વિદ્રોહનો ભાવ પણ કદાચ થયો હશે. જે માણસોને આ રીતે વેઠવું પડ્યું હોય છે તેમાંથી કેટલાક નિરાશ થઈને જીવન હારી બેઠા હોય છે તો કેટલાક ખોટે માર્ગે ચઢી ગયા હોય છે. જે લોકોને બાળપણથી ધર્મના સંસ્કારો વારસામાં મળ્યા હોય છે તેઓ ઘણી વખત આવી વાતો જીરવી જાય છે તો એમાંથી કેટલાકની ધર્મમાંથી શ્રદ્ધા ઊઠી જાય છે. વાસ્તવિકતામાં માણસના જીવનમાં આવું જ કંઈક ઘટિત થાય છે કે બને છે. તેમાં ભગવાનનો કોઈ હાથ હોતો નથી. ભગવાનને તો આપણે કરુણાનો સાગર માનીએ છીએ. તે કોઈને દુઃખી ન કરે. તે તો સૌના સુખમાં રાજી હોય અને સૌને કલ્યાણનો માર્ગ બતાવે. ૧૨
કર્મસાર
| SR No. | 005706 |
| Book Title | Karmsar |
| Original Sutra Author | N/A |
| Author | Chandrahas Trivedi |
| Publisher | Gurjar Agency |
| Publication Year | 2011 |
| Total Pages | 82 |
| Language | Gujarati |
| Classification | Book_Gujarati |
| File Size | 9 MB |