Page Text
________________
આજે ચાલીસ વર્ષ બાદ પણ સતત આ પ્રવૃત્તિ માટે યુવાનો જાય છે અને હવે તો દેશ-વિદેશમાં પણ ધામ અને ભવનના યુવાનો પર્યુષણા પર્વની આરાધના કરાવવા પહોંચે છે. પછી તો આ પ્રવૃત્તિના વ્યાપમાં ગ્રામ પ્રવાસો શરૂ થયા. અનેક યુવાનો ગામડે-ગામડે ધર્મ સંસ્કૃતિના પ્રચાર માટે સ્વયંભૂ રીતે જવા લાગ્યા છે. આવી ત્રીસ પ્રવૃત્તિઓ તે સમયે ગુરુદેવની પ્રેરણાથી ચાલતી હતી. જૈન સંઘમાં ચન્દ્રશેખર મહારાજની સરકાર સક્રિય હતી. યુવાનો ધર્માભિમુખ થયા. ધર્મક્ષેત્રો ધમધમતા થયાં. પ્રભુશાસનનું શ્રેષ્ઠ પુણ્ય છે કે ‘દર સો વર્ષે એક મહાશક્તિનું અવતરણ થાય છે જે સો વર્ષ સુધી જૈનસંઘની ગાડીને દોડતી રાખે તેવું ઇંધણ પૂરું પાડે છે”. ચન્દ્રશેખર મહારાજ આ મહાશક્તિ હતા.
વિ.સં. ૨૦૩૧ની સાલમાં અખિલ ભારતીય સંસ્કૃતિ રક્ષકદળની સ્થાપના પાનસર તીર્થમાં થઈ. ત્યારબાદ વિદ્યાશાળા (દોશીવાડાની પોળ)ના ઉપાશ્રયમાં પૂ. ગુરુદેવશ્રી બિરાજમાન હતા. લલિતભાઈ આદિ યુવાનો સાથે વાત કરતા કરતા પૂ. ગુરુદેવશ્રી કહે છે. જેમ રાષ્ટ્રગીત છે અને તે સિનેમા ઘરોમાં દરેક શો પછી ગવાય છે. તે જ રીતે અપાણું શાસન ગીત હોવું જોઈએ’’ અનેકોએ અનેક ગીતો બનાવ્યા પણ કોઈ શાસન ગીત તરીકે જામતુ ન હતું.
એક ગીતની ધ્રુવપંક્તિ પૂ. ગુરુદેવને યાદ હતી તે પંક્તિ હતી. ‘“ગાજે ગાજે છે મહાવીરનું શાસન ગાજે છે.’’ આ પંક્તિ સાથેનું ગીત બનાવવાની ભાવના હતી છેવટે પૂ. ગુરુદેવે જાતે જ કમરકસી અને આખુ ગીત બનાવી દીધું. આ શાસન પુરુષનું સ્વરચિત ગીત હતું. - ‘ગાજે ગાજે છે મહાવીરનું શાસન ગાજે છે.’’ તે જ રીતે તપોવનમાં પૂ. ગુરુદેવે જ બાળકોના દૈનિક કાર્યક્રમમાં દરરોજ સવારે શાસન વન્દનાથી જ દિવસનો દૈનિક ક્રમ શરૂ કરવાનો શિરસ્તો ગોઠવી દીધો. તે ગીત “જિન શાસનનો વંદન કરતા આનંદ અતિ ઉમરાયે’’ છે. તેની રચના પણ પૂ. ગુરુદેવે કરેલી છે.
આ બે ગુજરાતી ગીતો ના રચયીતા પૂ. ગુરુદેવ છે. જેના શબ્દોમાં પણ ગુરુદેવની શાસન ભક્તિ ગુંજે છે. વંદન આ ગીતને અને તેમાં રહેલી શાસન ભક્તિની ધારાને.
CID
૯૩
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |