________________
યુવાક્તિ સર્જનના માર્ગે...
વિ.સં. ૨૦૩૧નું ચાતુર્માસ પૂજ્યપાદ ગુરુદેવ શ્રી એ ડીસા મુકામે કર્યું. ચાતુર્માસ દરમિયાન સ્કુલના પટાંગણના મંડપમાં ૧૦ હજારની માનવ મેદની વચ્ચે રામાયણ ઉપરનાં જાહેર પ્રવચનો શરૂ કર્યાં હતા અને ડીસામાં પૂજ્યપાદ ગુરુદેવશ્રીની નિશ્રામાં પ્રથમ વખત પરમાત્માના જન્મકલ્યાણનો સ્નાત્ર મહોત્સવ ૫૬ દિકુમારીકાઓ સાથે થયો હતો. આ સ્નાત્ર મહોત્સવ લગભગ ૫ કલાક ચાલ્યો હતો આ રીતે શ્રવણ અને ભક્તિથી ભરપુર જાજારમાન ચાતુર્માસ સંપન્ન કરીને પૂજ્યપાદ ગુરુદેવશ્રી પુનઃ અમદાવાદ પધાર્યા અને શ્રી સંઘમાં એક અભિનવ સર્જનાત્મક કાર્યનો પાયો નાંખ્યો.
૩૪
તે હતો ‘‘વીર સૈનિકોને શ્રમણોપાસક બનાવવાનો'' પર્યુષણ પર્વ તાલીમ કેન્દ્રનો આરંભ કર્યો. અમદાવાદ વિદ્યાશાળામાં બે-ત્રણ મહિનાનું રોકાણ કરી અમદાવાદના ૨૦૦ યુવાનોને દરરોજ સવારે બે કલાકની વાચના અપાતી હતી. આ વાચના દ્વારા પર્યુષણા પર્વનાં પ્રવચનોની તૈયારી શરૂ કરાવી. તે યુવાનોને જૈનધર્મના વિવિધ વિષયો તૈયાર કરાવાતા હતા, પ્રશ્નોત્તરી દ્વારા જૈનધર્મનો ઊંડો અભ્યાસ કરાવાતો હતો. પહેલાં જ વર્ષે લગભગ ૫૦ થી ૫૫ ક્ષેત્રોમાં પર્યુષણની આરાધના કરાવવા યુવાનોને રવાના કર્યાં.
યુવાનો કિશ્ચિયન મિશનરીની જેમ જૈનત્વના પ્રસાર માટે કામે લાગ્યા. પૂ. ગુરુદેવ દ્વારા વિરાટ પ્રયાસ શરૂ થયો.
નાના-દૂરનાં ગામોમાં વસતા જેનો પુનઃ જૈનત્વથી યુક્ત બન્યા. વળી આ યુવાનોને તેવી પ્રતિજ્ઞા અપાતી કે ‘જ્યાં પર્યુષણા કરાવવા માટે જાય તે સંઘમાંથી બહુમાન રૂપે માત્ર શ્રીફળ અને સવા રૂપિયો જ લેવાના, ત્રણની ટૂકડી એક સંઘમાં આરાધના માટે જાય જેમાં એક પ્રવચન કરે, બીજો પ્રતિક્રમણ આદિ ક્રિયા કરાવે અને ત્રીજો રાત્રે ભાવના આદિ કરાવે.
મારા ગુરુદેવ યુવાનોના જીવનમાં સદાચારના ખૂબ આગ્રહી હતા. તેથી બહુ કડક સૂચના સાથે મોકલતા અને શ્રી સંઘોમાં અપૂર્વ ઉલ્લાસથી પર્યુષણ પર્વની આરાધનાઓ થવા લાગી દૂરનાં નાના ગામોમાં પણ ધર્મ ચેતનવંતો બનવા લાગ્યો.
૯૨