Page Text
________________
જૈનનગર ખાતે બકુભાઈ શેઠના દર્શન બંગલામાં આવેલા “ગૃહ ચૈત્ય”ની ચૈત્ય યાત્રા ગોઠવાઈ હતી. આ ચૈત્ય યાત્રા મુનિશ્રી હેમચન્દ્રવિજયજી (જેહાલ હેમચન્દ્રસૂરિજી મ.સા.)ની નિશ્રામાં યોજાઈ હતી. આ યાત્રામાં લગભગ દશહજાર યુવાનો સામેલ હતા. સહુના હૃદયમાં “ચન્દ્રશેખર જુસ્સાનો” જુવાળ જાગ્યો હતો. ચૈત્યયાત્રા શેઠના બંગલે પહોંચે છે. વિરાટ સંઘને સન્માન ભેર આવકાર મળે છે. કારણકે આ ઘર શ્રાવકનું હતું, સકલ સંઘના પધરામણાંને ભાવથી વધાવે છે. પરમાત્મા-ભક્તિ બાદ સમગ્ર સંઘ બંગલાના ચોગાનમાં બેસી જાય છે. હેમચન્દ્ર મહારાજ ચન્દ્રકાન્તભાઈને શ્રમણ પ્રધાન જૈનસંઘની મહત્તા સમજાવે છે. અને મુનિશ્રી તે પણ કહે છે કે “આપ તો રામચન્દ્રસૂરીશ્વરજી મ.સા. સાહેબના ભક્ત છો, અને પૂજ્યશ્રી આ ઉજવણીની વિદ્ધ છે. તેથી રાષ્ટ્રીય સમિતિના સભ્ય તરીકે આપ રાજીનામું ધરી દો.”
શેઠ ચન્દ્રકાન્તભાઈ લોકજુવાળને ઓળખી ગયા હતા. સાથોસાથ ઉત્તમ ખાનદાની દર્શાવીને તુરત જ રાષ્ટ્રીય સમિતિના અધ્યક્ષ કસ્તુરભાઈ શેઠને પોતાના રાજીનામા અંગે ફોન કર્યો. અને રાજીનામાનો પત્ર હેમચન્દ્ર મહારાજના હાથમાં મૂકી દીધો. ચૈત્ય યાત્રામાં આવેલા તમામ યુવાનો ત્યાં નાચવા લાગે છે આંદોલનનો આ પ્રથમ વિજય હતો, શ્રમણ પરંપરાની સર્વોપરિતા સ્વીકારનાર એક ધનવાન શ્રાવકનો આ ખાનદાની પૂર્વકનો નિર્ણય હતો.
સંસારી પક્ષે જે બાપાજી થતા હતા. તે શેઠ જીવાભાઈના રાજીનામા માટે માત્ર ચન્દ્રશેખર મહારાજ એકલા જ નવરંગપુરા કલ્પના બંગલામાં પહોંચે છે. સંસારી પક્ષે બાપાજી અને સંઘના નેતા હતા. એક બાજુ દીકરા મહારાજનો વિરોધ બીજી બાજુ કસ્તુરભાઈ શેઠનો પ્રભાવ આમ જીવાભાઈ તો દ્વિધામાં છે. ધારણા પ્રમાણે રાજીનામું મળ્યું નહી. પણ રાજીનામાની ભૂમિકા જરૂર ઊભી થાય છે. જીવાભાઈ પણ સંઘના મોભી હતા. એમ સરળતાથી તો રાજીનામું શી રીતે આપે ? પણ તેમનું રાજીનામું લેવા સુશ્રાવક કુમુદભાઈ આદિ યુવાનો જાય છે. પરિવારનું પણ દબાણ થતા જીવાભાઈ રાજીનામાનો પત્ર આપી દે છે.
૭૫
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |