Page Text
________________
વિદ્રોની ચિનગાર...
૨૭
ભારત સરકારે રાષ્ટ્રીય સ્તરની ઉજવણી માટે ચારેય સંપ્રદાયના ધનાઢ્ય જૈનોની એક સમિતિ બનાવેલ જેના અધ્યક્ષ આણંદજી કલ્યાણજી પેઢીના પ્રમુખ શ્રાદ્ધવર્ય કસ્તુરભાઈ શેઠ હતા. તેમની સાથે મોનોગ્રામ મિલના માલિક ચન્દ્રકાન્તભાઈ શેઠ તથા શેઠશ્રી જીવતલાલ પ્રતાપસી (પૂ. ગુર્દેવ શ્રીના બાપાજી) હતા.
જે.મૂ.જૈન સંઘના આચાર્યો એવું ઇચ્છતા હતા કે ર૫૦૦મી શતાબ્દિ સમિતિમાંથી છે.મૂર્તિપૂજક સંપ્રદાય બાકાત થઈ જાય. તેથી સરકારી હસ્તક્ષેપથી આપણે બચી જઈએ. અર્થાત્ ઉજવણીની આડ અસરથી શ્વે.મૂ. જૈન સંઘ બચી જાય.
વિ.સં. ૨૦૩૦નું ચાતુર્માસ અમદાવાદ શહેરમાં કરવાનો વિચાર, ચંદ્રશેખર મહારાજે કર્યો. તે સમય એવો હતો કે તપાગચ્છ જૈન સંઘમાં એક તિથિ અને બે તિથિના વિખવાદ ચાલતા હતા. તેથી શહેરના એક તિથિ પક્ષનાં ઉપાશ્રયોમાં, બે તિથિના સાધુ-ચન્દ્રશેખર મહારાજનું ચાતુર્માસ શક્ય ન હતું. વળી જે ઉપાશ્રયોમાં ચન્દ્રશેખર મહારાજનો પ્રવેશ શક્ય હતો, તે ઉપાશ્રયોના ટ્રસ્ટી મંડળો ઉપર શેઠશ્રી કસ્તુરભાઈનો ભારે પ્રભાવ હતો.
અમદાવાદના જૈન સંઘોમાં રહી કસ્તુરભાઈ શેઠની સામે આંદોલન ચલાવવું એટલે મગર સાથે પાણીમાં લડવા જેવી સ્થિતિ ગણાય. તે સમયમાં સમગ્ર રાજનગરના સંઘો ઉપર કસ્તુરભાઈ શેઠનો પ્રભાવ જબ્બરજસ્ત હતો. “આ રાજનગરના સંઘોની શેઠ પ્રત્યેની આમન્યા હતી, કે શેઠનું સંચાલન રાજનગરના સંઘો માટે આશિષરૂપ હતુ”, તેનો આ પ્રભાવ છે. તે જાણવું દુષ્કર હતું. છતાં એકવાત નિશ્ચિત હતી કે શેઠ, રાજનગર જૈન સંઘોના સર્વમાન્ય નેતા હતા.
વળી આવી પ્રભાવી પક્કડમાં, તે સમયે વર્તમાનપત્રમાં એક જાહેરાત છપાઈ, જેમાં એવો ઉલ્લેખ હતો. કે “ચંદ્રશેખર મહારાજ દ્વારા ઉજવણીનો વિરોધ થઈ રહ્યો છે.
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |