________________
મેદની ભેગી થતી. અમદાવાદના છેડે રહેલા સાબરમતીમાં થતી ગર્જનાઓનો અવાજ સમગ્ર અમદાવાદને ગજવતો હતો.
સાબરમતી ચાતુર્માસ દરમિયાન રવિવારીય પત્રિકા આંદોલન ચાલુ થયું જ હતું. રાજનગરના સંઘોમાં જાગૃતિ આવતી જતી હતી. હવે આ આંદોલનમાં યુવાશક્તિને સક્રિય કરવાની ભાવના ચન્દ્રશેખર મહારાજને જાગી અને જન્માષ્ટમીનો દિવસ પસંદ થયો. પંદરથી ચાલીસ જ વર્ષના માત્ર યુવાનોની એક જાહેરસભા રાખવાનો નિર્ણય થયો.
વીસમી સદીની માત્ર જૈન યુવાનોની આટલી જંગી સભા સમગ્ર ભારત ખાતે પ્રથમ જ હશે તેવું કહીશ તો અતિશયોક્તિ નહીં ગણાય.
આ યુવાસભામાં સાબરમતી મંડળના ગાયક યુવાન... લલિતભાઈ ધામી હતા જેમણે યુવા સભાના આરંભમાં શાંતિલાલ શાહનું ગીત લડતી ઝઘડતી આ દુનિયાને'' ગાયું અને ત્યારથી લલિતભાઈ સમગ્ર જીવન દરમિયાન ચન્દ્રશેખર મહારાજના વફાદાર સૈનિક તરીકે જોડાયા. લલિતભાઈની વફાદારીએ ચન્દ્રશેખર મહારાજની કાર્યશક્તિની દોટમાં ઍકિસલરેટરની ગરજ સારી હતી. લલિતભાઈના સમર્પણને હૃદયથી વંદન.
તે સભામાં લગભગ દસથી બાર હજાર યુવાનો હતા. લગભગ ત્રણ કલાકનાં ધારાવાહી પ્રવચનમાં સમગ્ર યુવા વર્ગ હલબલી ઊઠ્યો. યુવાનો રોડ ઉપર ઊભા રહીને, ઝાડ ઉપર ચઢીને, ચન્દ્રશેખરવિજયજીને સાંભળી રહ્યાા હતા અને ત્યારબાદ લગાતાર ૪૦ વર્ષ ચન્દ્રશેખર મહારાજ સમગ્ર યુવા માનસના "Icon" બની રહ્યા હતા.
આ સદીમાં યુવાનોને ધર્મ તરફ વાળવામાં સિંહ ફાળો ચન્દ્રશેખર મહારાજનો છે. આ વાતમાં સમગ્ર ભારતના જૈન સંઘો સંમત છે. આજે જૈન સંઘોમાં યુવાનોની જે દોડાદોડ કે ઉત્સાહ દેખાય છે તે વડલાનું બીજ વિ.સં. ૨૦૨૯ની જન્માષ્ટમી એ રોપાયુ હતું.
૭૦