Page Text
________________
૨૬
સાબરમતીથી સંઘર્ષ યાત્રાના મંડાણ
મુનિશ્રી ચન્દ્રશેખર મહારાજ, ધર્મ કે સંસ્કૃતિ વિરુદ્ધની પ્રવૃત્તિ સામે આક્રમક લડતના મુખ્યનેતા તરીકે ‘“બાય ડીફોલ્ટ'' રજુ થતા હતા. વિ.સં.૨૦૨૬, ૨૦૨૭, ૨૦૨૮ના ચાતુર્માસ ધ્રાંગધ્રા, જામનગર, ભુજ પસાર પસાર કર્યા અને વિ.સં. ૨૦૨૯ની સાલમાં પાલીતાણા યાત્રા માટે ચન્દ્રશેખર મહારાજ પધાર્યા હતા. ત્યાં શ્વેતાંબર કોન્ફરન્સ નામની સંસ્થાની મીટીંગ હતી. આ સંસ્થાના અધ્યક્ષ શેઠશ્રી કસ્તૂરભાઈ લાલભાઈ હતા.
દેશના ખ્યાતનામ જૈનો, પાલીતાણા આવેલા હતા. આ મીટીંગમાં સંસ્થા ભારત સરકારને અનુરોધ કરતો એક ઠરાવ પસાર કરવાની હતી. ‘‘જે ઠરાવની વિગત એવી હતી કે ‘‘પ્રભુ મહાવીર દેવની ૨૫૦૦મી નિર્વાણ શતાબ્દિની ઉજવણી રાષ્ટ્રીય લેવલે થાય’'.
સંસ્થાના શ્રદ્ધા સંપન્ન શ્રાવકોની એવી ભાવના હતી કે ‘‘મહાવીર દેવ ભારતની મહાન વૈશ્વિક વિભૂતિ હતા.તેથી ભારત સરકાર દ્વારા જ, આ પ્રસંગ ઉજવાય તો પ્રભુને અને જૈન ધર્મને અનોખી
પ્રસિદ્ધિ પ્રાપ્ત થાય’'.
જૈનોના આવા અનુરોધને ધ્યાનમાં લઈને ભારત સરકાર દ્વારા ભગવાન મહાવીરની ૨૫૦૦ મી નિર્વાણ શતાબ્દિની ઉજવણી કરવાનું નક્કી થાય છે, જેમાં જૈનધર્મનાં આચાર્યોની સર્વોપરિતાને બદલે સરકારની સર્વોપરિતા થવાનો મોટો ભય ઉભો થાય છે, તેથી ચન્દ્રશેખર મહારાજનું સિંહસત્ત્વ છંછેડાય છે અને સરકારી નિર્વાણ શતાબ્દિ સામેનું આંદોલન શરૂ થાય છે.
૨૦૨૯નું ચાતુર્માસ સાબરમતી (અમદાવાદ) નક્કી થાય છે. તે વખતે અમદાવાદમાં બિરાજમાન અનેક પ્રસિદ્ધ જૈનાચાર્યની સહીથી દર અઠવાડિયે ૨૫૦૦ની ઉજવણીનો વિરોધ દર્શાવતી પત્રિકાઓ પ્રસિદ્ધ કરવી ‘‘તેવું આયોજન ચન્દ્રશેખર મહારાજે કરેલું.’' તે સમય હતો જ્યારે પ્રચાર મીડિયા તરીકે વર્તમાનપત્રો કે આવી પત્રિકાઓ જ હતી. ચન્દ્રશેખર મહારાજની પ્રવચન શક્તિ સકલ શ્રમણસંઘમાં સર્વોપરિ હતી. તેથી રવિવારીય રામાયણનાં પ્રવચનોમાં આઠ-દસ હજારની
૬૯
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |