________________
યાદ રહે, મહારાજજી માટે આવતી કાલની દીક્ષા પ્રથમ ન હતી. આવી અનેક દીક્ષાઓ તેઓની નિશ્રામાં ઉજવાઈ હતી. પણ આવતીકાલની દીક્ષાને લઈને સ્વયં મહારાજજી, કોક અનુઠા ભાવોથી ભાવિત હતા.
ગોચરી માંડલીમાં ક્યારેક જ પધારતા મહારાજજીના ઉદ્બોધનને સાંભળવા સહુ તત્પર બને છે. મહારાજજી કહે છે.
‘જુઓ સાધુઓ ! આવતી કાલથી આપણી માંડલીમાં એક નવા મુમુક્ષુનો પ્રવેશ થશે. આ યુવાન અતિ ધનાઢ્ય પરિવારમાંથી આવી રહ્યો છે. તેના બાપાજી જૈનસંઘના પ્રસિદ્ધ નેતા છે. આપણી ફરજ છે કે ‘‘આવનાર મુમુક્ષુને આપણે આપણી ઉદારતા, સજ્જનતા, ખાનદાનીથી, આપણામાં એવો ભેળવી દઈએ કે તેને ઘરના સ્વજનો યાદ જ ન આવે. મહારાજજી આગળ ફરમાવે છે’’ મને લાગે છે ઈન્દ્રવદન જૈન સંઘ માટે આપણા સમુદાયનો મહાન્ શાસન પ્રભાવક બનશે’'
સહુ સ્થવિરોને મારી નમ્ર ભલામણ છે કે ‘‘તેના યોગ-ક્ષેમની બાબતમાં વિશેષ કાળજી લે’'
આ ભાવ વિભોર વક્તવ્ય સાથે મહારાજજી આવતી કાલની દીક્ષા પ્રદાન માટેની પોતાની આંતરિક આત્મ પરિણતિને વિશુદ્ધ ભાવોથી ભાવિત કરતા રહ્યા. રત્નોની ખાણમાંથી ઝવેરીને કોહીનૂર બનનાર પત્થર માટે જે અહોભાવ હોય તે અહોભાવ મહારાજજીના અંતરમાં હતો, જે શબ્દો રૂપે પ્રગટ થયો.
૩૬
CID