________________
૧ ર
મંગલ ઘડીની તૈયારી
ઇન્દ્રવદનનો આત્મા સંયમ પ્રાપ્તિ પૂર્વે, સંયમની નૈસર્ગિક અનુભૂતિમાં પોતાના આત્માને ડૂબાડી રહયો છે.
દીક્ષા પૂર્વેના બહુમાનોની શ્રેણી ચાલે છે, તેમાં ઇન્દ્રવદનનું બહુમાન મુંબઈના શેરબજારના હોલમાં ગોઠવાય છે. તે સમયે શેર બજારના પ્રમુખ કોઈ પારસી સજ્જન હતા. આ પારસી સજ્જનને કોકે જૈન દીક્ષાની જીવનશૈલીની કઠોરતાની વાત કરી હતી.
તેથી તે સજ્જન તો વિચલિત થઈ ગયા હતા અને ઇન્દ્રવદનના પરાક્રમને ઇન્દ્રવદનની મજબૂરી સમજી તેઓ વિહ્વળ બની જીવાભાઈ શેઠને કહે છે, “શા માટે આવા કઠોર જીવન માટે દિકરાને રજા આપો છે?' પારસી સજ્જન આવી ભાવ સભર વાત સાથે પોતાના વક્તવ્યને વિરામ આપે
ત્યારબાદ ઈન્દ્રવદન પોતાના વક્તવ્યમાં પોતાના ભાવોને રજુ કરતા કહે છે “દીક્ષા જીવન તે મારી મજબુરી નહીં, મારી ઝંખના છે.” આ સર્વહિતનો માર્ગ છે ઇત્યાદિ વાતો પોતાના વક્તવ્યમાં રજુ કરે છે. તેથી “પારસી સજ્જન તથા સમગ્ર સભા, જૈન દીક્ષાના જીવનને વૈભવી ત્યાગમય જીવનરૂપે નીહાળવા લાગ્યા. સહુ ઈન્દ્રવદનના પરાક્રમી ચહેરાને ભાવ સભર નેત્રોથી જોઈ રહ્યાા છે.
પારસી સજ્જન પણ પ્રભાવિત બને છે. તેથી તેમણે દીક્ષા દિને, શેર બજાર બંધ રાખવાની જાહેરાત કરી અને જૈન દીક્ષા માટેના પોતાના ભ્રમને દૂર કર્યા. જૈન દીક્ષા માટે તેમના અંતરમાં શુભ ભાવો જાગ્યા.
છેલ્લી એક ઘટના નોંધીને આગળ વધીએ.. વૈશાખ વદ ૫ મનો દિવસ, ભાયખલાના ઉપાશ્રયનું સ્થાન, બપોરની ગોચરી માંડલીમાં, સ્વયં પ્રેમસૂરીશ્વરજી મહારાજ સમગ્ર સાધુ માંડલી (સમુહ)માં પધારે છે. ભાવ વિભોર ઉબોધન કરે છે.
૩૫
