________________
S.S.C. ના વર્ષમાં...
ઉંમર વર્ષ અગ્યિાર અને ધોરણ છ કે સાતની શિક્ષા ‘અભ્યાસમાં ઇન્દ્રવદન મંદ છે''. બાપાજીને પાક્કો ખ્યાલ હતો કે એસ.એસ.સી. સુધી પહોંચતા તો આ છોકરો કેટલીયે ટ્રાયલ મારશે.
૩
આસક્તિ અને વિરક્તિનો જંગ શરૂ થયો છે. બાપાજીની પુત્ર પ્રત્યેની આસક્તિ, દિકરાની વિરક્તિને હરાવવા મથી રહી છે.
આસક્તિને અધિકાર ખપે છે. પોતાની વ્યક્તિનો સહવાસ ખપે છે.
આસક્તિને ક્યાં સામેની વ્યક્તિની પીડા કે સ્વમાનની ચિન્તા છે ? ઇન્દ્રવદન ભણવામાં મન્દ છે તે વાત સાચી છે કે નહી તેની મને જાણ નથી પણ મને એટલો વિશ્વાસ જરૂર છે કે ઇન્દ્રવદનને સ્કૂલના અભ્યાસમાં રસ ન હતો.’’ તેના માટે આ અભ્યાસ કેવલ જવાબદારી જ હતો. તે વહેલી તકે છુટવા મથતો હતો, માટે જ ચોરીના સરલ માર્ગે પાસ થવા લાગ્યો હતો.
ઇન્દ્રવદન સ્કુલ લાઇફમાં પણ વિશિષ્ટ વૈભવો સાથે જીવતો હતો. મુંબઈની ખ્યાત નામ ફેલોશીપ હાઈસ્કુલમાં તેનો અભ્યાસ ચાલતો હતો. પી.ટી. વગેરેના પીરિયડમાં શિક્ષક ઘાસના મેદાન ઉપર છોકરાઓને દોડાવે ત્યારે ઇન્દ્રવદન તે દોટમાંથી ખસી જતો. ત્યારે તેને ફઈબાએ સંભળાવેલી મેઘકુમારની કથા યાદ આવતી, અને ક્યારેક શિક્ષકની આંખે ચઢી જાય અને તેને પરાણે દોડાવે તો ઇન્દ્રવદન દોડ્યા બાદ ખૂબ રડતો. ઇન્દ્રવદનનું શરીર બાળકનું હતું, છતાં દિલ ભગવાનનું હતું.
ભાવિના પંન્યાસ ચન્દ્રશેખરવિજયજી મ.સા.ની અપાર કરૂણાનું બીજ, નાનકડા ઇન્દ્રવદનના રુદનથી સિંચાયું છે.
આ ઇન્દ્રવદન ધો. ૬-૭-૮-૯ની નદીઓ પાર કરીને એસ.એસ.સી.માં પ્રવેશ મેળવે છે. પૂર્વના ચાર વર્ષ ચોરી દ્વારા પાસ થનાર વિદ્યાર્થી માટે દસમું ધોરણ ખૂબ વસમું હોય તે સ્વાભાવિક છે.
૧૭