Yugpurush

SR No.: 005689
Original Sutra Author: N/A
Author: Chandrajitvijay
Publisher: Tapovan Vidyalay
Publication Year: 2014
Total Pages: 250
Language: Gujarat
Classification: Book_Gujarati
File Size: 7 MB

Page 173

શ્રમણના ચરણે ગુજરાતનો નાથ
ગુજરાતના ભૂતપૂર્વ અને હાલ ભારતના વડાપ્રધાન મુખ્યમંત્રી નરેન્દ્રભાઈ મોદીને પૂ. ગુરુદેવ સાથે ખુબ ઘનિષ્ઠ સંબંધ હતો, અને વર્ષો જુનો હતો. R.S.S. ગુજરાત પ્રસ્તર (વિભાગ)ના મુખ્ય પ્રચારકની જવાબદારી નરેન્દ્રભાઈના માથે હતી ત્યારથી તેઓ ગુરુદેવના પરિચયમાં હતા. જ્યારે ગુજરાત વિધાનસભાની પેટાચૂંટણી હતી. તે વખતે વિધાનસભામાં ભાજપની બે-ચાર સીટ માંડ હશે તે સમયે એલિસબ્રીજ વિસ્તારની પેટા ચૂંટણીના મુખ્ય સંચાલક તરીકે પાર્ટીએ નરેન્દ્રભાઈને નિયુક્ત કર્યા. તે સમયે નરેન્દ્રભાઈ અને વિધાનસભાની ચૂંટણી લડનાર હરેન પંડ્યા પૂ. ગુરુદેવ પાસે કલાકો સુધી બેસતા હતા. ટૂંકમાં જૈન સાધુઓમાં નરેન્દ્રભાઈનો સંબંધ પૂ. ગુરુદેવ સાથે ખુબ ઘનિષ્ઠ હતો હા, આ સંબંધના કડવા મીઠા બેય અનુભવો બનેય મહાનુભાવોને હતા. '
નરેન્દ્રભાઈને પૂ. ગુરુદેવના નાદુરસ્ત સ્વાથ્યના સમાચાર મળ્યા અને નરેન્દ્રભાઈ તે સમયે અમદાવાદ IIM ખાતે કોઈ પ્રસંગે આવતા હતા. તેથી તેમણે પોતાના અંગત સચિવને કહ્યું “આપણે રસ્તામાં સ્ટર્લિંગ હૉસ્પિટલમાં જઈશું. ત્યાં જૈન મહારાજ ચંદ્રશેખર મહારાજ બિરાજમાન છે તેમના ખબર પુછવા છે. સચિવે હૉસ્પિટલમાં જાણ કરી. હૉસ્પિટલનું આખું મેનેજમેન્ટ કામે લાગી ગયું. અને પૂ. ગુરુદેવશ્રી પાસે દશ મિનિટ ગુજરાતના મુખ્યમંત્રી રોકાયા હતા. આ હતી ગુરુદેવની તાકાત, નિમંત્રણ વિના સમર્પિત થઈ જાય તેવા મહાપુણ્યના ચમકારા હૉસ્પિટલની શય્યા ઉપર જોવા મલ્યા હતા” તે વખતે નરેન્દ્રભાઈએ પૂ. ગુરુદેવને કહ્યું કે “આપના પુસ્તકો ખુબ વાંચ્યા છે તે પુસ્તકોએ મને દિશા બતાવી છે.”
સ્વાથ્યમાં સુધારાના ચાન્સ દેખાતા ન હતા તો સ્વાથ્ય વિશેષ નાજુક પણ ન હતું માટે આંબાવાડીના ઉપાશ્રયમાં પૂ. ગુરુદેવને સ્થાયી કરી દેવાયા. પૂ. ગુરુદેવ માત્ર સ્વ મસ્તીમાં મસ્ત છે. અને કર્મની શક્તિનો પરિચય કરતા જાય છે. દિવસો પસાર થતા જાય છે. કર્મ શક્તિ અસમાધિના નિમિત્તો ઉપર નિમિત્તો મૂકતી જાય છે. સામે ગુરુદેવ પોતાની ચૈતન્ય શક્તિથી કર્મોને હંફાવી રહ્યા છે. પૂર્ણ સમાધિભાવ સાથે કર્મશક્તિનો મુકાબલો કરી રહ્યા હતા.
૮
)
૧૭૨