________________
સીધા જયઘોષસૂરિ મ.સા.ના ખોળામાં માંથુ મૂકીને જોરજોરથી રડવા લાગે છે. ઉભેલા સાધુઓ સ્તબ્ધ થઈ જાય છે. સાધુઓને રવાના કરી દેવાય છે ગચ્છાધિપતિ માંથે હાથફેરવી આશ્વાસન આપે છે હૃદયથી અનુમોદના કરે છે.
પૂ. ગુરુદેવ રડતા રડતા ગચ્છાધિપતિને કહે છે. ‘ગુરુદેવ ! મને બચાવો મારા કષાયોએ મને બરબાદ કર્યો છે. મારે શુદ્ધ આલોચના લેવી છે મને બચાવો'' ખુબ વ્હાલથી આશ્વસન આપતા પૂ. ગચ્છાધિપતિ કહે છે તમારો વિશુદ્ધ એકરાર ભાવ જ તમારું પ્રાયશ્ચિત છે. વળી તમે વિશિષ્ટ પુણ્યવાન છો. તમારા હાથે અનેક પ્રભાવક શાસન રક્ષાના કર્યો થયા છે.’' આ રીતના ભાવ સભર શબ્દો દ્વારા પૂ. ગચ્છાધિપતિ પૂ. ગુરુદેવને શાન્ત કરે છે. દવાના કારણે પૂ. ગુરુદેવ ખુબ સ્વસ્થ હતા બપોરે વાચના પણ આપી.ખુબ પ્રસન્નતાથી દિવસ પસાર થાય છે.
બીજે દિવસે મોન એકાદશીની આરાધના કરી. પૂ. ગુરુદેવ ગચ્છાધિપતિને વંદન કરી ત્યાં જ બેય મહાપુરુષો સાથે ગોચરી વાપરે છે. ત્યારે વાર્તાલાપ ચાલે છે. બેય મહાપુરુષો વચ્ચે કેવલ સમર્પણ અને અધિકારનો સંબન્ધ ન હતો. બલ્કે બેય વચ્ચે ખુબ ગહન મૈત્રી હતી. તેથી પરસ્પર હળવી ગંભીર વાતોની આપ લે ચાલતી હતી. તેમાં ઇન્દ્રજિત વિજય વંદન કરવા પહોંચે છે. બેયની ચાલતી વાતોમાં પૂ. ગુરુદેવ ઇન્દ્રજિત વિજયને જોઈને કહે છે મારે આને આચાર્ય પદવી આપવી છે. ત્યારે ઇન્દ્રજિત વિજય કહે છે. ‘ગુરુદેવ, મને નહી ચન્દ્રજિત મહારાજને તૃતીયપદ આપવાનું કહે છે.’’ ત્યારે પૂ. ગુરુદેવ નામ સુધારીને પૂજ્ય ગચ્છાધિપતિને વાત કરે છે.
૧૬૮
STD
