________________
તો હું દીલ્હીના ચાંદનીચોકમાં આત્મ વિલોપન કરીશ .
૬૬
પૂ. ગુરુદેવના આંતરિક દેહના બે ફેફસા હતા એકનું નામ શાસન હતું. તો બીજાનું નામ સંસ્કૃતિ હતું. વૈશ્વિક જિન શાસન અને પ્રાચીન ભારતીય સંસ્કૃતિને માત્ર પોતાની માનીને સાચવવાની જે ઝીંદાદીલી પૂ. ગુરુદેવમાં ધબકતી જોઈ છે. તે ખરેખર અદ્ભૂત હતી.
વાત એવી હતી કે ‘‘ભારત સરકારના પ્લાનીંગ કમીશને નવી પંચવર્ષીય યોજનામાં દેશના ગામડે-ગામડે નવા કતલખાના ખોલવા અને કુલ ૫૬,૦૦૦ કતલખાના ખોલવાની યોજના મૂકી હતી.
આ સમાચાર પૂ. ગુરુદેવના કાને પડે છે. અને અહિંસા પ્રધાન સંસ્કૃતિના લીરેલીરા ઉડતા જોઈ પૂ. ગુરુદેવ પુનઃ હચમચી ઉઠે છે. આ સમયે ગુરુદેવશ્રી અમદાવાદ તપોવનમાં હતા. તે વખતે દીલ્હીમાં વાજપાઈની સરકાર હતી. ગુજરાતના સાંસદ હરીન પાઠક જેઓ મીનીસ્ટર પણ હતા. તેમને પૂ.ગુરુદેવ બોલાવે છે.
ઇ.સ. ૨૦૦૩ની સાલ હતી. પૂ.ગુરુદેવ હરીનભાઈને ચેતવણીની ભાષામાં કહે છે. કે જો કતલખાનાનો પ્રસ્તાવ સરકાર પાછો નહીં ખેંચે તો હું દીલ્હીના ચાંદની ચોકમાં આત્મ વિલોપન કરીશ.’’ આ જ વાત તે જ અરસામાં આર. એસ. એસ.ના વડા કે, સુદર્શનજી આવેલા તેમને પણ પૂ. ગુરુદેવે કરી હતી.
આવી આક્રોશ સભર ચેતવણીથી તમામ જીવદયા પ્રેમીઓ હચમચી ઉઠે છે અને ૫૬૦૦૦ કતલખાનાના પ્રસ્તાવને રોકવા આંદોલન શરૂ કરે છે.
ચાર મહિનાના સમયગાળામાં લગભગ ૧૫ લાખ પોસ્ટકાર્ડ લખાવ્યા. લાખ્ખોની સંખ્યામાં Email કરાવ્યા. છેવટે ભારત સરકારનું આયોજન પંચ ભારતની પ્રજાના ઉગ્ર આંદોલન સામે ઝુકી જાય છે. અને ૫૬,૦૦૦ કતલખાનાનો પ્રસ્તાવ રદ કરે છે.
તે સમયના વડાપ્રધાન શ્રી અટલબીહારી બાજપાઈજી અંગત રીતે રાજસ્થાનના સાંસદ શ્રીમાન ગુમાનમલજી લોઢાને બોલાવીને કહે છે. આપણી સરકાર ‘કતલખાનાની યોજના પડતી મૂકી છે’’. તેની જાણ જૈન મુનિ ચન્દ્રશેખર મહારાજને કરજો.
2)
૧૫૯