________________
દેશને નેતાની જરૂર હતી, માતાએ આપ્યા. યુદ્ધમાં શુરવીરોની જરૂર હતી, માતાએ પોતાના નવલોહીયા રવાના કર્યા.
રાષ્ટ્ર નિર્માણ માટે શિક્ષકની જરૂર હતી, માતાએ શિક્ષક પેદા કર્યા.
જૈન સંઘને પંન્યાસ ચન્દ્રશેખરવિજયજી જેવા ધરખમ પુરુષની જરૂર હતી. સુભદ્રા બહેન નામની માતાએ કમર કસવાની શરૂ કરી. ધનવાન પરિવાર વિરતિધર્મના ધારકોને પ્રગટ કરવામાં રણભૂમિ જેવો ઉખર સાબિત થયો છે. ધનને પ્રતિષ્ઠા ફાવે છે. વિરતિને નિષ્ઠાની જરૂર હોય છે, પણ શેઠ જીવતલાલ પ્રતાપશીના પરિવારે ધનવાન પરિવારોના માથે લાગેલા કલંકને નાબૂદ કરવાનો સંકલ્પ કર્યો હોય, તેવો માહોલ, મા સુભદ્રાએ સજર્યો.
ઇન્દ્રવદનને દૂધ પીવડાવતા પીવડાવતા માતા દિકરાની આંખમાં આંખ નાંખીને એક ભાવ સતત વહાવતી ‘“બેટા ! તું ધન વૈભવનો ભોક્તા બનવા માટે નથી સર્જાયો. તું તો ધર્મ વૈભવને ફેલાવનાર વકતા બનવા સર્જાયો છે.'' માતા ખૂબ વ્હાલ કરતી અને વ્હાલના પેકીંગમાં શાસન ભક્તિને મૂકતી જતી. સુભદ્રાબહેનની પ્રત્યેક ચુમીમાં શાસનરસનું સંક્રમણ ઇન્દ્રવદનના હૃદયમાં થતું હતું.
સાત ભાઈ બહેનોના જુથમાં ઇન્દ્રવદન સૌથી વધુ ધાર્મિક હતો. નવ વર્ષના ઇન્દ્રવદનના અંતરાત્મામાં શાસનરસની પ્રતિતી પ્રગટ થાય છે...
ધનાઢ્ય પરિવારની માતા સુભદ્રા, પોતાના લાડકાને ધન્ય બનાવવાના આયોજનમાં આગળ વધી રહ્યા છે.
પોતાના સંતાનોને તથા તેણીના જેઠ શેઠશ્રી જીવતલાલ પ્રતાપસીના સંતાનોને સંસ્કારિત કરે તેવી વ્યક્તિની શોધમાં માતા સુભદ્રા છે અને માતાની શોધની મંજિલ ઘરમાં જડી. શેઠશ્રી જીવાભાઈ અને
૧૪
