________________ ગોવંશ હત્યા બન્ધીના નિર્ણય સાથે આયંબિલની ઓળી સંપન્ન થયા પછી પૂ. ભુવનભાનુસૂરિ મ.સા.ની ઈચ્છા પૂ. ભદ્રકરસૂરિ મ.સા. સાથે થોડા દિ રહેવાની હતી. તેથી તેઓ પંકજ સોસાયટીના ઉપાશ્રયે પધારે છે. પૂ. ગુરૂદેવ ભગવાન નગરના ટેકરે જાય છે. ચૈ.વ.૧૨ના દિવસે સાંજે સમાચાર આવે છે “પૂજ્યપાદનું સ્વાથ્ય કથળતા ડૉક્ટર હાઉસ લઈ ગયા છે. ગુરૂદેવ તરત જ ત્યાં પહોંચે છે. હાર્ટએટેક હતો યોગ્ય સારવાર મલતા પુનઃ બધું કંટ્રોલમાં આવી તો જાય છે પણ આ ભ્રમ હતો ચૈત્ર વદ ૧૩ના બપોરે ૧.૪૦ના પુનઃ સ્વાથ્ય કથળતા પૂ. ગુરુદેવ તુરત પૂજ્યશ્રી પાસે પહોંચે છે. અંતિમ નવકાર શ્રવણ કરાવવાનો લાભ ગુરૂદેવશ્રીને મળે છે. કાળધર્મ થયા બાદ પંકજ સોસાયટીમાં અગ્નિદાહ માટે જમીન સંપાદન આદિ તમામ કાર્યોમાં શ્રાધ્ધવર્ય કુમારપાલભાઈ પૂ. ગુરૂદેવની સલાહ મુજબ કામે લાગે છે. આ ગમગીન પ્રસંગે કુમારપાલભાઈ હિબકે ચઢી જાય છે. ત્યારે મારા ગુરૂદેવ મોટાભાઈની જેમ કુમારભાઈને સાંત્વના આપતા મેં જોયા હતા. સામુદાયિક વ્યવસ્થા બાબતે અન્ય આચાર્ય ભગવંત પ્રશાંતમૂર્તિ રાજેન્દ્રસૂરીશ્વરજી મ.સા. તથા જગતુચન્દ્રસૂરીશ્વરજી મ.સા. સાથે દેવવંદન વખતે જ ચર્ચા કરીને પૂજ્યપાદ ભુવનભાનુસૂરીશ્વરજી મ.સા.ના ઉત્તરાધિકારી તરીકે પૂજ્યપાદ જયઘોષસૂરીશ્વજી મ.સા.ના નામની જાહેરાત પૂ. ગુરુદેવશ્રી કરે છે. આ હતી આમન્યા અને ઉદારતા. ત્યાં હાજર રહેલા બન્નેય આચાર્ય ભગવંતો આશ્ચર્યચકિત થાય છે. આ ચંદ્રશેખર મહારાજની આમન્યા' !! 144
