Page Text
________________ 57 ગુરૂની શિષ્યને અનમોલ ભેટ ઘણા વખતથી ચંદ્રશેખર મહારાજ ગુજરાતમાં ગોવંશ પ્રતિબંધ ધારો આવે તે માટે પ્રયત્નો કરતા હતા. જે રાજ્યમાં જૈન ધર્મ સૌથી વધુ ફેલાયેલો હોય, હજારો સાધુ-સધ્વીજી ભગવંતો વિચરતા હોય, જૈનોની વગ જ્યાં સૌથી વિશેષ હોય ત્યાં જ ગૌવંશ પ્રતિબંધ નહી. આઘાત-આશ્ચર્યની આ વાત છે. ચંદ્રશેખર મહારાજ આ બાબતે બહુ ચિંતીત હતા, પ્રયત્નશીલ હતા. ચૈત્રમાસની ઓળી બન્નેય મહાપુરુષોની લાવણ્ય સોસાયટી વાસણા નક્કી થાય છે. ખુબ પ્રસન્નતા સાથે મહારાજજી નિવૃત્તિનો અને નિશ્ચિતતાનો આનંદ માણી રહ્યા છે. પૂજ્યપાદશ્રી ગુરૂદેવશ્રીના પ્રવચનો સાંભળવા રસપૂર્વક જતા હતા. આ જ ચૈત્ર માસની ઓળી દરમિયાન એટલે કે વિ.સં. ૨૦૪૯ની સાલમાં ગુજરાત સરકારે એક શકવર્તિ વટ હુકમજારી કર્યો. “ગુજરાતમાં ગોવંશ હત્યા બંધીને કાયદેસર કરી નાંખી''. તે વખતના મુખ્યમંત્રી ચીમનભાઈ પટેલ આ જાહેરાત કરવા માટે આંબાવાડી જૈન દેરાસરના (નહેરૂનગર-અમદાવાદ) પગથિયા ઉપર ઉભા થાય છે. તે વખતે ત્યાં પૂ. ભુવનભાનુસૂરીશ્વરજી મ.સા. તથા પૂ. ગુરૂદેવશ્રી હાજર હતા. ગુજરાતના મુખ્યમંત્રી કહે છે. “જૈનોની ઘણાં વર્ષો જૂની આ માંગણી તથા ચન્દ્રશેખર મહારાજના પ્રયાસોને માન આપી ગુજરાત જેનોના વર્ચસ્વવાળુ રાજ્ય છે. માટે જૈનોની આંતરિક લાગણીની કદરરૂપે અમારી સરકાર ગોવંશ હત્યા બંધીને કાયદેસર જાહેર કરે છે. “હવે ગોવંશ હત્યા... ગુજરાતમાં ગુન્હો ગણાશે. સમગ્ર અમદાવાદના જેનો ચન્દ્રશેખર મહારાજની ભારોભાર અનુમોદના કરવા લાગે છે. પૂ. ગુરુદેવશ્રી તે સભામાં જણાવે છે કે “મહારાજજીની (પૂ. ભુવનભાનુસૂરિ મ.સા.) ની સેવા કરવાથી મને આ સફળતા મળેલ છે.” ગુરુ શિષ્યની સેવાની પ્રસન્નતાથી જાણેકે કહેતા હોય જા તારી ઇચ્છા પુરી કરુ છું.” ગુરુકૃપા તે ચન્દ્રશેખર મહારાજની જ્વલંત સફલતાનું બીજું હૃદય હતું. 143
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |