________________ શાંતાકુઝ-મુંબઈમાં ચાર્તુમાસ 53 હજારો યુવાનોના જીર્ણ-જીવનોને મંદિર જેવું નયનરમ્ય બનાવવાનું અદભૂત કોશલ્ય પૂ. ગુરુદેવની જબાન અને “ઓરા"માં હતું. પાલિતાણામાં સુશ્રાવક રજનીભાઈ દેવડીએ વિરાટ પાયે તીર્થોભિષેક કરાવેલ જેમાં પૂ.ગુરૂદેવથી પામેલા ધામના લગભગ 1800 યુવાનો કામે લાગેલા આ યુવાનોના સદાચારની ચકાસણી એક શ્રાવકે કરેલી કે “આ યુવાનોની આંખો કેવી નિર્વિકાર છે.” ચકાસણી કરનાર શ્રાવક યુવાનોની નિષ્ઠા અને નિર્વિકાર નજરોથી હાલી ગયા. ભાવવિભોર બની ગયા. સુશ્રાવક પૂ.ગુરૂદેવ પાસે આવીને કહેતા હતા કે “ચન્દ્રશેખર મહારાજ! આ તમારી જ તાકાત છે બીજા કોઈ ન કરી શકે.” રાજકોટના સુશ્રાવક શશીકાન્તભાઈએ કુમારપાલ વી. શાહને એકવાર કહેલું કે “ચન્દ્રશેખર મહારાજના ઓઘામાં એવો જાદુ છે ભલભલા પાપી યુવાનને તે બદલી શકે. આ નોંધ સુરતના નરેન્દ્ર હેકડે લીધી હતી. તેમણે જ મને કહ્યું હતું.” અરે! ટ્રેનમાં કે યાત્રા પ્રવાસમાં કોઈ યુવાનની આચાર ચુસ્તતા જોનાર સામેના લોકો પ્રભાવિક થઈને એવું પુછી લેતા કે “તમે ચન્દ્રશેખર મહારાજના યુવાન છો?” જૈન સંધમાં ચન્દ્રશેખર મહારાજ વ્યક્તિ મટીને બ્રાન્ડ બની ગયા હતા. મુંબઈમાં “ધામ” ની સ્થાપના કર્યા બાદ પ્રથમવાર ચન્દ્રશેખર મહારાજ મુંબઇમાં પધાર્યા. અઢી કરોડ રૂપિયાના ફંડ માટે સમગ્ર મુંબઈના લગભગ દરેક પરામાં તેમના પ્રવચનો યોજાયા યુવાનો ખૂબજ સક્રિય થઈ ગયા. લાખો રૂપિયાનું દાન ભેગા કરી પાંજરાપોળમાં પહોચાડવું વિગેરે કાર્ય સાથે તેમની હાજરીએ “ધામ” ને ફરીથી ધબકતું કરી દીધું. ચન્દ્રશેખર મહારાજની ૨૦૪૩ના ચાર્તુમાસની શાંતાક્રુઝની શિબિરે વિશેષ કરીને મુંબઈના પરાના યુવાનોને વધુ આકર્ષિત કર્યા, 132