________________ સાથ વિનંતિ સ્વરૂપે નરેન્દ્રભાઈએ ગુરુદેવને પડકાર પણ ફેંક્યો કે “આપના રોકાણ દરમ્યાન જે હું ખર્ચ કરું તેની સોગુણી રકમ જીવદયા પેટે આપે ભેગી કરવાની” પૂ.ગુરુદેવે જાણે ચેલેન્જ ઉઠાવી લીધી અને પંદર જ દિવસના રોકાણમાં પૂ.ગુરુદેવે સુરતમાંથી જ રૂા. 50 લાખ જીવદયા ભેગા કર્યા. નરેન્દ્રભાઈનો લાભ માત્ર રૂ. 47 હજારનો હતો. બરાબર સોગુણી રકમ જીવદયામાં સુરત પાસેથી પૂ. ગુરુદેવે ઉપલબ્ધ કરી. પ્રતિષ્ઠા કે ચઢાવાની off સીઝનમાં જીવદયા માટે આ એલાન કરવું અને પાર પાડવું તે જ પુણ્યની પહેચાન છે. ત્યાર બાદ વિહાર કરી મુંબઈ “મિશન પાંજરાપોળ રક્ષા” માટે પહોંચે છે. સમગ્ર મુંબઈમાં અઢીત્રણ મહિના ફરે છે. અને પ્રવચનો દ્વારા અઢી-કરોડ રૂપિયા એકઠા કરી લે છે. શ્રાવણ મહિના સુધી પાંજરાપોળોને ચેક પહોંચતા રહ્યા. હજારો અબોલ જીવો કુદરતની લપડાક સામે ચન્દ્રશેખર મહારાજના લાડથી બચી ગયા. છેલ્લી સદીમાં જૈન સાધુ તરીકે તમામ ક્ષેત્રમાં પોતાનું બલિદાન દેનાર જો કોઈ નરબંકો સાધુ હોય તો તે મારા ગુરુદેવ હતા. તેવું કહેવામાં મને ગર્વ થાય છે. પાંજરાપોળો પશુઓથી ઉભરાતી જતી હતી. ગામડાના ખેડુઓ પોતાના પશુધનને સાચવી શકે તેવી ક્ષમતા ગુમાવતા જતા હતા. તો બીજી બાજુ કસાઈઓના હાથે પોતાના પશુધનનો વિનાશ થાય તે ખેડુતોને મંજૂર નહી અને આ જગતનો તાત પશુઓને પાંજરાપોળનાડેલે મૂકી જતો. બારણે ઉભેલા પશુઓને પાછા શી રીતે કઢાય? અને દેવ દૂત જેવા ટ્રસ્ટીઓ પશુઓને રાખતા ગયા. પાંજરાપોળોએ પોતાની FD. ઓ તોડવા માંડી. પણ આ તો આભ ફાટ્યું હતું. કુદરતનો પ્રકોપ હતો. એવું કહેવાય કુદરતની લપડાક સહન જ કરવી પડે...પણ ઉભા રહો...જો ચન્દ્રશેખર મહારાજ જેવા સંતશ્રેષ્ઠ હયાત હોય તો કુદરતની લપડાકને પણ મામૂલી ટપલી બનાવી શકાય છે. મારા ગુરુદેવ પાસે એવી કોઈ દેવી શક્તિ ન હતી. પણ એટલું જરૂર કહીશ કે મારા ગુરુદેવ પાસે નિષ્ઠાશક્તિ ખૂબ જબ્બર હતી ચન્દ્રશેખર મહારાજ “નિષ્ઠાપુરુષ” હતા. કહેવાનું મન થાય કે “તેમની નિષ્ઠા જ દેવી શક્તિ બનીને તેમને મદદ કરતી. સફલ બનાવતી. આ “નિષ્ઠા” અતીન્દ્રિય પરાશક્તિ સાથે અનુસંધાન જોડી આપનાર મીડિયા છે. જે ચન્દ્રશેખર મહારાજમાં ખૂબ વિપુલ પ્રમાણમાં હતી. 131