________________
૪૭ .
વિરાટ પ્રવેશ યાત્રા..
આકોલાથી પાંચ દિવસનો બે હજાર યાત્રિકો સાથેનો પદયાત્રા સંઘ અંતરિક્ષનો નક્કી થાય છે. નાનકડા રોડ ઉપર હજારો માનવો સાગરની જેમ હિલોળા લેતા આગળ વધે છે.
માત્ર પાંચ હજારની જ વસ્તીવાળા શિરપુર ગામમાં આજે બહારનાં લગભગ સાત-આઠ હજાર લોકો આવ્યા હતા. સરકારી તંત્રમાં કંઈક અનિચ્છનીય બની જવાનો ડર હતો સખત પોલીસ બંદોબસ્ત હતો. વિદર્ભના શ્વેતાંબર જૈનો વિપુલ સંખ્યામાં હતા મુંબઈથી ૧૪૦૦ જણાને લઇને સ્પેશ્યલ ટ્રેન આવેલી.
જાણે કે પ્રવેશયાત્રા જ વિજયયાત્રા જેવા દબદબા વાળી હતી. શિરપુરમાં વસનારા ગરીબ દિગંબર જૈનોમાં ફફડાટ હતો.
પણ સબૂર ! પ્રવેશ થયા બાદ પ્રવચન સભા શરૂ થઈ તે પ્રવચન સભામાં પૂ. ગુરુદેવશ્રીએ અભૂતપૂર્વ વક્તવ્ય આપ્યું. મહારાજજી કહે છે...
પરમાત્મા અંતરિક્ષ પાર્શ્વનાથનું આ બિમ્બ અગ્યાર લાખ વર્ષ પ્રાચીન છે. પ્રભુનું આ બિંબ કેવલ આસ્થાનું પ્રતિક છે. શ્વેતાંબર જૈનોને કોર્ટે વહીવટ માટેનો અધિકાર આપ્યો છે. મહારાજજી વધુ સ્પષ્ટતા કરતા કહે છે. અમારી દુશ્મની કોઈ સાથે નથી. બન્નેય સમાજ વચ્ચે ઉભી થતી મૈત્રીની હવાને જામતા પહેલા જ વિખેરવાનું કામ દિગંબર સમાજના કેટલાક ભાઈઓ કરે છે. તે લોકોને આ વિવાદમાં પોતાનો વ્યક્તિગત લાભ ખાટવો છે.
છેલે મહારાજજી કહે છે. અંતરિક્ષ પાર્શ્વનાથની કૃપાથી આ આંદોલન દ્વારા બેય સમાજ વચ્ચે મૈત્રી થાય. સમાધાન સધાય તેવો જ મારો પ્રયાસ રહેશે. યાદ રહે સમગ્ર શ્વેતાંબર સમાજ તરફથી હું એક વાત જણાવું છું કે “શ્વેતાંબર સમાજને જે વારસાગત અધિકાર મળ્યો છે. તે ભોગવવામાં રસ નથી બલ્ક શ્વે. સમાજ બન્નેય વર્ગમાં આનંદ અને વિશ્વાસનું વાતાવરણ જમાવવા માંગે છે..
૧૧૯
