________________
૪૫ .
શિવાહે પંથાન ... અંતરિક્ષ તીર્થ
સપ્તાહના છેલ્લા રવિવારે બપોરે પ્રવચન બાદ અંતરિક્ષ તરફ તીર્થરક્ષા માટેનો વિહાર શરૂ કરવાનો હતો. પ્રવચનની છેલ્લી પાંચ મિનિટ બાકી હતી ત્યારે પૂ. ગુરુદેવશ્રીએ જાહેર કર્યું. “હાલ સાંજના વિહાર કરીને નવજીવન સોસાયટી જવાનું છે.” પરંતુ આગળ સાંભળો તેમ કહી ગુરુદેવ બુલંદ અવાજે એક વાત કરે છે. “આ સભાના તમામ શ્રોતાઓએ પ્રવચન બાદ રેલી રૂપે મારી સાથે આવશે, આપણે અહીંથી દસ જ મિનિટના અંતરે આવેલા મહારાષ્ટ્રના મુખ્ય મંત્રી એ.આર. અંતુલેના નિવાસ સ્થાને જવાનું છે તેમને અંતરિક્ષ તીર્થની માહિતી આપી મદદ માંગવાની છે”.
લગભગ આઠ હજાર જૈનો તે સભામાં ઉપસ્થિત હતા. સમગ્ર સભા જયકારથી આ નિર્ણયને આવકારે છે. વિરાટ રેલી પૂ. ગુરુદેવના નેતૃત્વમાં મુખ્યમંત્રીના નિવાસસ્થાન તરફ આગળ વધે છે. સમગ્ર સરકારી તંત્ર અજ્ઞાત છે. ચંદનબાળાથી રીજ રોડ ઉપર થઈ ડાબી બાજુના રોડ તરફ રેલી આગળ વધે છે. મુખ્યમંત્રીના નિવાસસ્થાન પાસે હજારો લોકોનો જમાવડો જોઈ પોલીસ તંત્ર ડઘાઈ જાય છે. મુખ્યમંત્રીના નિવાસસ્થાનનો મુખ્ય ગેટ બંધ કરી દેવાય છે. મુખ્ય દરવાજા પાસે જોરશોરથી નારા ચાલુ થાય છે. Duty ઉપર હાજર પોલીસ અધિકારી ગુરુદેવ પાસે આવે છે. ગુરુદેવ નમ્રતાપૂર્વક જણાવે છે કે “સમગ્ર મુંબઈ મહારાષ્ટ્રના જૈનો તરફથી અમારા તીર્થની રક્ષા બાબતે મુખ્યમંત્રીને એક નિવેદન આપવું છે. અને રૂબરૂ પાંચ મિનિટ મળવું છે”.
સમાચાર લઈને અધિકારી બંગલામાં મુખ્યમંત્રીશ્રીને જાણ કરે છે તે દરમિયાન મુખ્યમંત્રી બારીમાંથી આવેલા માનવ મહેરામણ જોઈલે છે, અને મુખ્યમંત્રી મળવાની સંમતિ આપે છે.
પૂ. ગુરુદેવ તથા હું (લેખક) અગ્રણી શ્રાવકો સાથે પહેલા માળે મુખ્યમંત્રીને મળીએ છીએ. પૂ. ગુરુદેવ આવેદન પત્ર હાથમાં આપે છે. ટૂંકમાં દિગંબરોના અન્યાયની વાત કરે છે. સત્તાના સાથ વિના આ અન્યાયનો ભોગ શ્વેતાંબરો આપના રાજ્યમાં બને છે. આપ અમને “કોર્ટના નિર્ણયને - અમલ કરવામાં મદદ રૂપ થાઓ તેવી નમ્ર વિનંતી”