________________
શિક્ષા વ્યવસ્થાની સ્થાપના માટે ગુરુદેવે પ્રયાસ શરૂ કર્યો. શ્રીપાલનગરમાં મીટીંગ બોલાવવામાં આવી તે સમયે વાલ્કેશ્વરના ૨૫ ધનવાનો આવેલા તેઓ સમક્ષ આખી યોજના રજૂ કરી અને ત્યાંને ત્યાં જ લગભગ રૂા. ૫૦ લાખના વચનો મળી ગયા.
ઉપસ્થિત સહુ ધનવાનો બુદ્ધિમાનોએ ગુરુદેવશ્રીની આ અભિનવ યોજનાને સમર્થન આપ્યું. “માનવજીવન નિર્માણ તીર્થ’’ બનાવવાનો સદીનો શ્રેષ્ઠ પ્રયાસ શરૂ થયો.
નવસારી પાસે જમીન સંપાદન માટેના પ્રયાસો થઈ રહ્યા હતા ત્યારે મુંબઈમાં આફ્રિકાના એક મુસ્લિમ સજ્જન જેમનું નામ સુલતાન હતું. તે પૂ. ગુરુદેવશ્રીના દર્શન માટે આવે છે અને વાતમાં વાત થતા તપોવનની જમીન માટે રૂ. ૫ લાખનું અનુદાન તેઓ આપે છે. મુસ્લિમ સજ્જન ના ધનથી જિનશાસનને સંસ્કરણ સંકુલની ઉપલબ્ધિ થઈ ! ! !
આ હતી જિનશાસનની વાસ્તવિક બિન સાંપ્રદાયિકતા, મુસ્લિમ પણ જૈન સંસ્કારોને જન સંસ્કાર માનીને આવકારે છે. સદ્ભાગ્યે પૂ. ગચ્છાધિપતિ આચાર્ય દેવ શ્રીમદ્ રામચન્દ્રસૂરીશ્વરજી મ.સા. તથા વર્ધમાન તપોનિધિ પૂ. ભુવનભાનુસૂરીશ્વરજી મ.સા.ની તપોવન માટે સંમતિ મલી નવસારી પાસે ધારાગિરિ ખાતે તપોવન માટેની જમીનનું સંપાદન થયું.
યુદ્ધના ધોરણે નિર્માણ કાર્યશરૂ થયું. બાળકોના શિક્ષણનું માળખુ તૈયાર થવા લાગ્યું.
ત્યાં અંતરિક્ષ તીર્થની રક્ષાનો સવાલ સંઘ સામે ખડો થાય છે. અને ચન્દ્રશેખર મહારાજ તીર્થ રક્ષાના મીશન માટે નીકળી પડે છે. પૂ. ગુરુદેવ સ્વયંસૈન્ય સમાન હતા. સંઘમાંથે જ્યારે પણ આપત્તિ આવે ત્યારે સંઘ તેમને જ યાદ કરે ગુરુદેવ સંઘવિઘ્ન નિવારક હતા.
CID
૧૧૧