Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 81

એમની પાછળ હસ્તીરત્ન પર આરૂઢ મહારાજ ભરત હતા. એમની પાછળ અશ્વરથોની શ્રેણીઓ (કતાર) ચાલી રહી હતી.
વિનીતા નગરીની સમીપ પહોંચી સેનાને પડાવ નાખવાનો આદેશ આપી મહારાજ ભરતે વિનીતા રાજધાનીના દેવની આરાધના-હેતુ અષ્ટમભક્ત તપ કર્યું. તપ પૂર્ણ કર્યા પછી હાથી ઉપર સવાર થઈ હજારો દેવી-દેવતાઓ અને રાજા-પ્રજાના વિશાળ જનસમૂહની સાથે નગરીમાં પ્રવેશ કર્યો. નવ મહાનિધિઓ તથા ચતુરંગિણી સેનાએ નગરમાં પ્રવેશ નહિ કર્યો. વિનીતા નગરીને નવવધૂની જેમ શણગારવામાં આવી હતી. ભરત પોતાના રાજભવનના ભવ્ય સુશોભિત દ્વાર ઉપર પહોંચ્યા. હાથી ઉપરથી ઊતરીને રાજભવનમાં ઉપસ્થિત લોકોનું સ્વાગત-અભિવાદન સ્વીકારતા-સ્વીકારતા ત્યાં પોતાના બારમા અષ્ટમભક્ત તપનું પારણું કર્યું અને સુખપૂર્વક રહેવા લાગ્યા.
પોતાના રાજ્યાભિષેકનો ઉચિત સમય જાણી એક દિવસ મહારાજ ભરત પૌષધશાળામાં જઈ અષ્ટમભક્ત તપમાં સંલગ્ન થયા. તપ પૂર્ણ થયા પછી આભિયોગિક દેવોને બોલાવી એમને વિનીતા નગરીના ઈશાન ખૂણામાં એક મોટો અભિષેક મંડપ તૈયાર કરવાની આજ્ઞા આપી. પખંડની સાધનાના પશ્ચાત્ વિનીતા નગરીમાં મહારાજ ભરતે જે કુબેરોપમ ઋદ્ધિની સાથે નગરમાં પ્રવેશ કર્યો હતો, એ જ પ્રકારની ઋદ્ધિની સાથે મહારાજ ભરત પોતાના રાજપ્રાસાદમાંથી પ્રસ્થાન કરી વિનીતા નગરીના મધ્યમાં થઈને રાજધાનીના ઈશાન કોણમાં નિર્મિત અભિષેક મંડપમાં પ્રવિષ્ટ થયા. ત્યાં એમનો મહર્ધિક, મહામૂલ્યવાન મહારાજ્યાભિષેક સંપન્ન થયો. રાજ્યાભિષેક થયા પછી મહારાજ પુનઃ પોતાના રાજમહેલમાં ફર્યા અને સ્નાનાદિથી નિવૃત્ત થઈ અષ્ટમભક્ત તપનું પારણું કર્યું. પ્રજાએ બાર વર્ષ સુધી એમના મહારાજ્યાભિષેકનો મહોત્સવ ઉજવ્યો.
મહારાજ ભરતના રાજ્યમાં સમસ્ત પ્રજા પૂર્ણરૂપથી સુખી અને સમૃદ્ધ હતી. લોકો પોતાના કર્તવ્યનું પાલન કરીને સુખમય જીવન વ્યતીત કરી રહ્યા હતા. સંપૂર્ણ ભરતક્ષેત્ર ઉપર એમનું એકછત્ર રાજ્યશાસન હતું. એમના સૈન્યની શક્તિ અજેય અને અભેદ્ય હતી. એમણે એક હજાર વર્ષ ઓછા છ લાખ પૂર્વ સુધી ચક્રવર્તીના રૂપમાં પોતાની પ્રજાનું પાલન કર્યું. એમના રાજ્યકાળમાં રાજા અને પ્રજા બંનેની સમૃદ્ધિમાં અતુલનીય અભિવૃદ્ધિ થઈ. 39 જૈન ધર્મનો મૌલિક ઇતિહાસ
७७