Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 80

થોડા દિવસો સુધી વિશ્રામ કર્યા પછી મહારાજે સુષેણ સેનાપતિરત્નને બોલાવ્યા. સેનાપતિએ સ્વામીની આજ્ઞાનુસાર ખંડપ્રપાત ગુફાના ઉત્તર દિશાના દ્વાર, તિમિસ્ત્ર પ્રભા ગુફાના દ્વારની જેમ ખોલાવ્યાં અને એની સૂચના મહારાજને આપી. મહારાજે પોતાના કાકિણીરત્નની મદદથી ગુફાને પ્રકાશિત કરી, એમાં પ્રવેશ કર્યો અને દક્ષિણી દ્વારથી ખંડપ્રપાત ગુફાને પાર કરી. ગુફાની બહાર નીકળી મહારાજે સેનાને પડાવની વ્યવસ્થા કરાવી અને સ્વયં પૌષધશાળામાં જઈ નવ નિધિરત્નોની આરાધના-હેતુ અષ્ટમભક્ત તપ પ્રારંભ કર્યું, આ મહારાજનું અગિયારમું અષ્ટમભક્ત તપ હતું. આ તપમાં દર્ભના આસન ઉપર એકાગ્રચિત્ત બેઠેલા મહારાજ નિધિરત્નોનું ચિંતન કરી રહ્યા હતા. અષ્ટમતપ સમાપ્ત થતા-થતા બધાં નિધિરત્ન મહારાજની પાસે જ રહેવા માટે ઉપસ્થિત થયા. એમણે એમના અષ્ટમતપના પારણાં કર્યા અને પછી ફરી નવનિધિરત્નોના અષ્ટાલિક મહોત્સવ ઉજવવાનો આદેશ આપ્યો.
નવનિધિઓના અષ્ટાદ્ધિક મહોત્સવ પૂર્ણ થતા મહારાજે પોતાના સેનાપતિને ગંગા મહાનદીના પૂર્વવર્તી લઘુખંડ ઉપર વિજય પ્રાપ્ત કરવાનો આદેશ આપ્યો. સેનાપતિએ મહારાજની આજ્ઞાનું પાલન કરતા રહીને વિજય અભિમાન પૂર્ણ કર્યું.
એના થોડા સમય પછી એક દિવસે ચક્રરત્ન આયુધશાળામાંથી બહાર નીકળીને આકાશમાર્ગથી ભરત ચક્રવર્તીની વિશાળ સેનાની વચ્ચેથી આગળ વધતું વિનીતા નગરીની તરફ અગ્રેસર થયું. આમ જોઈ મહારાજ ઘણા પ્રસન્ન થયા. એમણે સેનાને વિનીતાની તરફ પ્રસ્થાન કરવાનો આદેશ આપ્યો. ૬૦ હજાર વર્ષની અવધિ(સમય)માં સંપૂર્ણ ભરત ક્ષેત્રના પખંડોની વિજયયાત્રા સંપૂર્ણ કર્યા પછી સમ્રાટ ભરત એમની મુખ્ય રાજધાની વિનીતા તરફ ફર્યા. બધાથી આગળ અષ્ટ મંગળ, એમની પાછળ પૂર્ણ કળશ, ઝારી, દિવ્ય છત્ર, વૈડૂર્ય રત્નમય વિમલ દંડયુત છત્રધર ચાલવા લાગ્યા. એમની પાછળ અનુક્રમશઃ ૭ એકેન્દ્રિયરત્ન, નવ નિધિરત્ન, ૧૬ હજાર દેવ, ૩૨ હજાર મહારાજા, સેનાપતિ આદિ પ રત્ન ચાલી રહ્યાં હતાં. એમની પાછળ હજારોની સંખ્યામાં તુકલ્યાણિકા, જનપદ કલ્યાણિકા, નાટક કરવાવાળા, રસોઈયા, ચતુરંગિણી સેના, ઘણા બધા રાજા, ઈશ્વર, યુવરાજ, તલવર, વણિકો, ખગૂધર, દંડધર, ક્રીડા કરતા ગાયક, વાદક, નર્તક, એ પછી શણગારાયેલા અશ્વ ચાલી રહ્યા હતા. જૈન ધર્મનો મૌલિક ઇતિહાસ 969696969696969696969696969696963 ૦૫ |