Page Text
________________
કહ્યું: “મિત્ર, તું લોકોની ચિકિત્સા કરે છે, પણ ખેદની વાત છે કે તપસ્વી મુનિ માટે કંઈ કરવા માટે તત્પર નથી.”ઉત્તરમાં જીવાનંદે કહ્યું: “આ રોગની ચિકિત્સા માટે રત્નકાંબળો, ગોશીષચંદન અને લક્ષપાક તેલ નામક ત્રણ વસ્તુઓ આવશ્યક છે અને મારી પાસે માત્ર લક્ષપાક તેલ છે, અન્ય વસ્તુઓ ન હોવાના લીધે હું કંઈ પણ કરી શકવા અસમર્થ છું.” એવું સાંભળી મહીધરે ચારેય મિત્રોની સાથે એ વસ્તુઓ ઉપલબ્ધ કરવાની ઈચ્છાથી બજાર તરફ પ્રસ્થાન કર્યું અને નગરમાં એક મોટા વેપારીને ત્યાં જઈને રત્નકાંબળો અને ગોશીષચંદનની માગણી કરી. વેપારીએ આ બંને વસ્તુઓની કિંમત ૧-૧ લાખ સ્વર્ણ મુદ્રાઓ કહી અને આ બંને વસ્તુઓના આવશ્યકતાનું કારણ પૂછ્યું. કારણ જાણી વેપારી યુવકોની શ્રદ્ધાભાવનાથી ઘણો પ્રભાવિત થયો અને વિચારવા લાગ્યો કે - “કેમ નહિ, હું પણ મુનિસેવાના આ પવિત્ર કાર્યનો લાભ ઉઠાવું' અને એણે કોઈ પણ પ્રકારનું મૂલ્ય લીધા વગર જ એ બંને વસ્તુઓ આપી દીધી. તે
વિદ્યપુત્ર જીવાનંદ અને એના ચારેય સાથીઓ એ વસ્તુઓને લઈને મુનિની પાસે ગયા. જીવાનંદે વંદન કરી પહેલાં મુનિના શરીર ઉપર લક્ષપાક તેલનું મર્દન (માલિશ) કર્યું. રુવાંટીનાં છિદ્રો વાટે તેલ શરીરમાં સમાતા જ કુષ્ઠકૃમિ (કોઢના જીવાણુ) બેબાકળા થઈ બહાર નીકળવા લાગ્યા, ત્યારે જીવાનંદે રતનકાંબળાથી તપસ્વીના શરીરને ઢાંકી દીધું, જેનાથી બધા કીડાઓ કાંબળામાં આવી ગયા. ત્યારે વૈધે એ કાંબળો એક પશુના મૃત-કાળજા (કલેજા) ઉપર નાખી દીધો અને તે બધા કીડાઓ એ મૃતકાળજામાં સમાઈ ગયા. અંતે જીવાનંદ મુનિના શરીર ઉપર ગોશીર્ષચંદનનો લેપ કર્યો. આ પ્રમાણે ત્રણ વાર માલિશ કરીને જીવાનંદે એના ચિકિત્સા-કૌશલ્યથી એ તપસ્વી મુનિને પૂર્ણરૂપે રોગમુક્ત કરી દીધા. મુનિની આ પ્રકારની નિઃસ્પૃહ અને શ્રદ્ધા-ભક્તિપૂર્ણ સેવાથી જીવાનંદ આદિ મિત્રોએ મહાન-પુણ્યલાભ મેળવ્યો. મુનિને પૂર્ણરૂપે સ્વસ્થ જોઈને એમનું અંતર મન ગદ્ગદ થઈ ગયું. મુનિએ એમને ત્યાગ અને વૈરાગ્યપૂર્ણ ઉપદેશ આપ્યો, જેનાથી પ્રભાવિત થઈને જીવાનંદે એના ચારેય મિત્રોની સાથે શ્રાવકધર્મ ગ્રહણ કર્યો. ત્યાર બાદ શ્રમણધર્મ ગ્રહણ કરીને એની વિધિવતું આરાધના કરી પાંચેય મિત્રો અમ્યુકલ્પ નામક બારમા સ્વર્ગમાં દેવપદના અધિકારી બન્યા.
દેવાયું પૂર્ણ કરી જીવાનંદના જીવે પુષ્કલાવતી વિજયમાં મહારાજ, વજસેનની રાણી ધારિણીને ત્યાં પુત્રરૂપે જન્મ ગ્રહણ કર્યો. ગર્ભકાળમાં
૩૬ 999999999999999ણે જૈન ધર્મનો મૌલિક ઇતિહાસ,
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |