Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 408

વખતે તમે પ્રશ્ન કર્યો, આથી તેમને સાતમા નરકના અધિકારી બતાવવામાં આવ્યા; પણ થોડી વાર પછી જ્યારે તેમને એ ભાન થયું કે - ‘તેઓ તો મુનિ છે અને તેમને રાજ-તાજથી શું મતલબ ?' ત્યારે આત્માલોચન કરતા-કરતા વિચારોની ઉચ્ચશ્રેણી પર આરૂટ થઈ રહ્યા હતા. ત્યારે સર્વાર્થસિદ્ધ વિમાનની ગતિ બતાવવામાં આવી.’
ભગવાન મહાવીર શ્રેણિકને પોતાના કથનનું રહસ્ય સમજાવી રહ્યા હતા, ત્યારે જ આકાશમાં દુંદુભિનાદ સંભળાયો. ભગવાને શ્રેણિકને કહ્યું : “તે જ પ્રસન્નચંદ્ર મુનિ, જે સર્વાર્થસિદ્ધ વિમાનને યોગ્ય અધ્યવસાય પર હતા, શુક્લધ્યાનની વિમલશ્રેણી પર આરૂઢ થઈને મોહકર્મની સાથોસાથ જ્ઞાનાવરણીય વગેરે કર્મોનો પણ ક્ષય કરીને કેવળજ્ઞાન અને કેવળદર્શનના અધિકારી બની ગયા છે. તેની જ મહિમામાં દેવલોકો દુંદુભિ વગાડી રહ્યા છે.” શ્રેણિક પ્રભુની સર્વજ્ઞતા પર મનોમન રાજી થયા.
એક વાર ભગવાન મહાવીર રાજગૃહીના બાગમાં બિરાજમાન હતા. તે વખતે એક વ્યક્તિ ભગવાન પાસે આવી અને પગમાં પડીને બોલી : “ભગવન્ ! આપનો ઉપદેશ ભવસાગરને પાર કરાવવાવાળા જહાજ જેવો છે. મને એક વાર આપની વાણી સાંભળવાનો મોકો મળ્યો હતો અને તે વખતના ઉપદેશે મારા જીવનને સંકટથી બચાવ્યું છે. આજે હું આપની વાણી સાંભળવાનો લાભ લઈશ.” આ રીતે દૃઢ નિર્ણય કરીને તેણે પ્રભુનો ઉપદેશ સાંભળ્યો, જેના પ્રભાવથી તેના મનમાં પોતાના પહેલાંનાં કૃત્યો પર અત્યંત દુઃખ થયું. તેણે હાથ જોડીને ભગવાનને વિનંતી કરી : “ભગવન્ ! મારું પહેલાંનું જીવન કુકર્મોથી કાળું બનેલું છે. શું તેને ધોવા માટે શું હું આપની સેવામાં સ્થાન મેળવી શકું છું ? શું એક ચોર અને અત્યાચારી પણ શ્રમણ-ધર્મનો હકદાર બની શકે છે ?'' તે વ્યક્તિના છળમુક્ત વાક્યને સાંભળીને ભગવાને કહ્યું : “રોહિણેય ! સાચા પસ્તાવાથી પાપની કાળાશ ધોવાઈ જાય છે. તારા મનની બધી જ કાળાશ આત્માલોચનની ભઠ્ઠીમાં બળીને ભસ્મ થઈ ગઈ છે. આથી તું શ્રમણપદ પામવાનો હકદાર બની ગયો છે.”
કુખ્યાત ચોર રોહિણેય જોત-જોતામાં સાધુ બની ગયો અને તે પોતાનાં સકર્મો અને તપસ્યાથી ખૂબ આગળ વધી ગયો. વીતરાગ પ્રભુની વાણીએ ઘોર પાપીને પણ ધર્માત્મા બનાવી દીધો.
જૈન ધર્મનો મૌલિક ઇતિહાસ
૪૦૩