Page Text
________________
ફેરવીને જતો રહે, નહિ તો..” અને ચેટકે કુમારના કપાળને નિશાન બનાવીને પોતાનું તીર છોડી દીધું. રક્ષાના બધા જ ઉપાય નિષ્ફળ રહ્યા અને કાલકુમાર તત્કાળ કાળને શરણે પહોંચીને હાથીની અંબાડી પર જ હંમેશ માટે સૂઈ ગયો.
કાલકુમારના મૃત્યુ બાદ તેના મહાકાલ વગેરે નવ ભાઈ પણ એક-એક કરીને પછીના નવ દિવસોમાં મહારાજા ચેટક દ્વારા મરાયા. છેવટે કૃણિકે દૈવીશક્તિનો સહારો લેવાનું નક્કી કર્યું. તેણે બે દિવસનો ઉપવાસ કરીને શક્રેન્દ્ર અને ચમરેન્દ્રનું ધ્યાન ધર્યું. પૂર્વજન્મની દોસ્તી અને તપના પ્રભાવથી બંને ઇન્દ્ર કૃણિકની સામે હાજર થયા. કૂણિકે કહ્યું : “ચેટકે પોતાનાં અમોઘ બાણોથી માંરા દસ ભાઈઓના રામ રમાડી દીધા છે. મેં પ્રતિજ્ઞા કરી છે કે - વિશાલીને નષ્ટ કરીને વૈશાલીની ધરતી પર ગધેડાઓથી હળ ચલાવડાવીશ, નહિ તો ઉત્તુંગ શલશિખર પરથી કૂદકો લગાવીને મોતને ભેટી જઈશ.” આથી તમે લોકો ચેટકની જીવનલીલા સમાપ્ત કરવાનો કોઈ માર્ગ બતાવો.” દેવરાજ શકે કહ્યું : “પ્રભુ મહાવીરના પરમ ભક્ત શ્રાવક અને પોતાના સ્વધર્મી ચેતકને હું મારી તો નથી શકતો, પણ તેનાં અમોઘ બાણોથી તારી રક્ષા જરૂર કરી શકું છું.” આટલું કહીને તેમણે કૂણિકને એક અભેદ કવચ આપ્યું. ચમરેન્દ્ર પણ પોતાના પૂર્વજન્મમાં કૂણિકનો તપસ્વી-સાથી હતો. તેણે કૂણિકને “મહાશિલા કંટક' નામનું એક પ્રક્ષેપણ અસ્ત્ર અને રથમૂસલ'નામનું પ્રલયકારી અસ્ત્ર બનાવવાની અને તેના પ્રયોગની વિધિ બતાવી. આ રીતે દેવી મદદથી સજ્જ થઈને બીજા દિવસે બેગણા ઉત્સાહ સાથે કૂણિક યુદ્ધભૂમિમાં ઊતર્યો.
ચેટકે પોતાનો હાથી આગળ વધાર્યો. પોતાના ધનુષ્ય પર બાણ ચઢાવીને પ્રત્યંચાને પોતાના કાન સુધી ખેંચી અને કૂણિક પર પોતાનું અમોઘ બાણ ચલાવી દીધું. તે બાણ શક્ર દ્વારા આપેલ વ્રજ કવચ સાથે અથડાઈને ટુકડે-ટુકડા થઈ ગયું. પોતાના અમોઘ બાણને નિષ્ફળ થતું જોઈને પણ સત્યવાદી ચેટકે તે દિવસે બીજું બાણ ન ચલાવ્યું. આ બાજુ કૂણિકે ચમરેન્દ્ર દ્વારા દર્શાવેલ “મહાશિલા કંટક' અસ્ત્રનો પ્રયોગ કર્યો. આ યંત્રના માધ્યમથી તણખલું, લાકડું, પાન, લોઢું, બાલુકા-કણ વગેરે જે કાંઈ પણ વૈશાલીની સેના પર ફેંકવામાં આવતા, તેમનો ઘા વિસ્તરેલી શિલાઓના ઘા કરતા પણ વધુ ઘાતક થતાં થોડા જ સમયમાં
EBC9696969696969696969696969696963 જૈન ધર્મનો મોલિક ઇતિહાસ
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |