Page Text
________________
આ રીતે બીજા પણ ઘણાં ઉદાહરણો સાથે ગૌતમનાં યુકિતમય પ્રમાણોથી ઉદક-પેઢાલની શંકા દૂર થઈ. તે ઊઠીને જવા લાગ્યો, તો ગૌતમે કહ્યું. “ઉદક, તમે જાણો છો કે કોઈ પણ શ્રમણ-માહણથી ધર્મયુક્ત વચન સાંભળીને તેની પાસેથી જ્ઞાન મેળવવાવાળી વ્યક્તિ તેને ભગવાન જેવો માનીને તેને માન આપે છે.” ગૌતમના સંકેતનો અર્થ ઉદક સમજી ગયો. તેણે ગૌતમ પ્રત્યે પૂરી શ્રદ્ધા વ્યકત કરી અને સાથોસાથ ભગવાનનાં ચરણોમાં રજૂ થઈને પંચ-મહાવ્રતરૂપી દીક્ષા સ્વીકાર કરી અને મહાવીરના શ્રમણ સંઘમાં સામેલ થઈ ગયા. પ્રભુએ તે વરસનો ચાતુર્માસ નાલંદામાં જ પસાર કર્યો.
( કેવળીચર્યાનું ત્રેવીસમું વરસ ) વર્ષાકાળ પૂરો થવાથી ભગવાન નાલંદાથી વિહાર કરીને વિદેહમાં વાણિજ્ય ગામ પધાર્યા. તે દિવસોમાં વાણિજ્ય ગામ વેપાર માટે ખૂબ જ પ્રસિદ્ધ હતું. ત્યાં સુદર્શન નામનો એક વેપારી રહેતો હતો. વાણિજ્ય ગામમાં દૂતિપલાશ ચૈત્યમાં ભગવાન રોકાયેલા હતા. ત્યાં ભગવાનનાં દર્શન માટે આવવાવાળા લોકોની ભીડ જામી હતી. સુદર્શન પણ ભગવાનની સેવામાં પહોંચ્યો. લોકોના ગયા પછી સુદર્શને ભગવાનને કાળના પ્રકાર વિશે પૂછ્યું. સુદર્શનને પલ્યોપમનો કાળમાન સમજાવતા ભગવાને તેના ગયા જન્મની કથા સંભળાવી. ભગવાનના મોઢેથી પોતાના ગતજન્મની વાત સાંભળીને સુદર્શનને પોતાનો પૂર્વજન્મ યાદ આવી ગયો. તેણે તે જ વખતે શ્રમણદીક્ષા સ્વીકારી લીધી. પછી ક્રમશઃ એકાદશાંગી અને ચૌદપૂર્વોનો અભ્યાસ કરીને તેણે બાર વરસ સુધી શમણધર્મનું પાલન કર્યું અને છેવટે કર્મક્ષય કરીને નિર્વાણ પામ્યા.
એકવાર ગૌતમ વાણિજ્ય ગામમાં ભિક્ષા માટે ભ્રમણ કરીને જ્યારે દૂતિપલાશ ચૈત્ય તરફ પાછા ફરી રહ્યા હતા, તો તેમણે રસ્તામાં આનંદ શ્રાવકના અનશન-ગ્રહણની વાત સાંભળી. તેમણે વિચાર્યું - “આનંદ પ્રભુનો ઉપાસક શિષ્ય છે તેણે અનશન ગ્રહણ કરી રાખ્યું છે, તો તેણે જઈને જોવું જોઈએ અને તેઓ કોલ્લાગ સન્નિવેશ પધાર્યા. ગૌતમને પોતાની પાસે આવેલા જોઈને આનંદ ખૂબ ખુશ થયો. તેણે તેમને પ્રણામ (વંદન) કર્યા અને થોડી વાર પછી બોલ્યો : “ભગવન્! શું ઘેર રહીને ગૃહસ્થ પણ અવધિજ્ઞાનનો અધિકારી બની શકે છે ?” ગૌતમે કહ્યું : “હા.” | જૈન ધર્મનો મૌલિક ઇતિહાસ 96969696969696969696969696969699 ૩પપ |
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |