________________
( કેવળીચયનું ચોથું વરસ ) વર્ષાકાળ પૂરો થવાથી ભગવાને વાણિજ્ય ગ્રામથી મગધ તરફ વિહાર કર્યો અને રાજગૃહીના ગુણશીલ ચૈત્યમાં પધાર્યા. ત્યાં શ્રેષ્ઠીપુત્ર શાલિભદ્ર રહેતા હતા. શાલિભદ્રના પિતા ગોભદ્ર દેવલોકવાસી હતા. તેઓ સ્નેહને લીધે સ્વર્ગથી શાલિભદ્ર અને તેમની પત્નીઓ માટે નિતનવાં કપડાં, આભૂષણ અને ભોજન માટેના ખાદ્ય પદાર્થો પહોંચાડતા હતા. શાલિભદ્રની માતા ભદ્રા એટલી ઉદાર હતી કે જે રત્નકામળાઓ રાજા શ્રેણિક પણ ખરીદી શકતા ન હતા, નગરીનું માન વધારવા માટે તેણે તેમને ખરીદી લીધા. તે રત્નકામળાઓને બે-બે ટુકડા કરીને પોતાની પુત્રવધૂઓને આપી દીધા. - ભદ્રાના વૈભવ અને ઉદારતાથી મહારાજ શ્રેણિક પણ દંગ હતા. તેઓ ભદ્રાને. ત્યાં પહોંચ્યા. શાલિભદ્રનું ઐશ્વર્ય જોઈને ચકિત થઈ ગયા. રાજાનાં દર્શન માટે ભદ્રાએ જ્યારે શાલિભદ્રને બોલાવ્યો, તો તેણે કહ્યું : “મારા આવવાની અને જોવાની શું જરૂર છે? જે પણ કિંમત હોય તે આપીને ભંડારઘરમાં મુકાવી દો.” આથી માતાએ કહ્યું : “આ કોઈ ખરીદવાની વસ્તુ નથી, આ તો આપણા નાથે છે.” “નાથ” શબ્દ સાંભળીને શાલિભદ્રને ઝટકો લાગ્યો : “તો મારી ઉપર પણ કોઈ નાથ છે? તો તેની પરાધીનતાથી છૂટવા માટે મારે કોઈ સારું કાર્ય કરવું પડશે.” તેણે માતાની સલાહ મુજબ ધીમે-ધીમે ત્યાગનો માર્ગ અપનાવ્યો અને દરરોજ પોતાની એક-એક પત્નીને છોડવાનું શરૂ કર્યું.
શાલિભદ્રની બહેન સુભદ્રાએ પોતાના પતિ ધન્નાશેઠને પોતાના ભાઈના આ ત્યાગની પ્રશંસા કરી, તો તેણે કહ્યું : “છોડવું હોય તો બધું એકીસાથે છોડી દે, આ એક-એક કરીને છોડવું તે કાયરતા છે ?” સુભદ્રાએ કહ્યું : “પતિદેવ, કહેવું જેટલું સહેલું છે, કરવું એટલું સહેલું નથી.” આ સાંભળતાં જ ધન્ના તરત જ ઊઠ્યો અને શાલિભદ્રને સાથે લઈને બંને ભગવાનનાં ચરણોમાં દીક્ષિત થઈ ગયા. જુદી-જુદી જાતના તપ-સાધના કરીને બંને સર્વાર્થસિદ્ધ વિમાનમાં દેવ બન્યા. આ રીતે અનેક લોકોને ચારિત્રાધર્મની દીક્ષા-બોધ 'આપતા-આપતા ભગવાને રાજગૃહમાં વષકાળ પૂરો કર્યો. જૈન ધર્મનો મૌલિક ઇતિહાસ 9696969696969696969696969696969 ૩૩૫
