________________
કરતા-કરતા દરરોજ ભોજન કરતા પહેલાં દસ વ્યક્તિઓને બોધ આપીને ભગવાનની પાસે દીક્ષિત થવા માટે મોકલતા.
એક દિવસ એવો આવ્યો જ્યારે તેઓ ફક્ત નવ વ્યક્તિઓને જ ધર્મમાર્ગ પર પ્રેરિત કરી શક્યા અને વેશ્યા વારંવાર તેમને ભોજન માટે આમંત્રિત કરી રહી હતી. છેવટે જ્યારે તે પોતે બોલાવવા આવી, તો નિંદિષેણે કહ્યું: “ઠીક છે, આજનો દસમો હું જ છું.” અને એમ કહીને તેઓ વેશ્યાના ઘેરથી નીકળ્યા ને ભગવાનનાં ચરણોમાં દઢ સાધનામાં લીન થઈ ગયા. ભગવાનનો તેરમો વર્ષાકાળ રાજગૃહીમાં પૂરો થયો.”
(કેવળીચર્યાનું બીજું વરસ ) રાજગૃહીમાં વર્ષાવાસ પૂરો કરી પ્રભુએ વિદેહ તરફ પ્રયાણ કર્યું. તેઓ બ્રાહ્મણકુંડ પહોંચીને બહુશાલ ચૈત્યમાં બિરાજ્યા. પંડિત ઋષભદત્ત પોતાની પત્ની દેવાનંદા સાથે વંદના માટે પહોંચ્યા. ભગવાનને જોતાં જ દેવાનંદાનું હૃદય સ્નેહથી ભરાઈ ગયું. તે આનંદમગ્ન અને પ્રફુલ્લિત થઈ ગઈ, આંખોમાંથી આંસુની ધારા વહી નીકળી અને સ્તનમાંથી દૂધ ઝરવા લાગ્યું. ગૌતમ આ જોઈને ચકિત થઈ ગયા અને ભગવાનને પૂછ્યું : “ભગવન્! આ કોણ છે ?” ભગવાને કહ્યું : “ગૌતમ આ મારી માતા છે, પુત્રપ્રેમને લીધે તેમને રોમાંચ થઈ ઊઠ્યો છે.” ત્યાર બાદ સમવસરણમાં પ્રભુવાણી-શ્રવણ કરીને ઋષભદત્ત અને દેવાનંદા પ્રભુ પાસે દીક્ષિત થઈ ગયાં ને અગિયાર અંગોનો અભ્યાસ કરી જુદીજુદી રીતનાં તપ અને વ્રતથી વરસો સુધી સંયમ-સાધના કરી મોક્ષને પામ્યાં. બ્રાહ્મણકુંડથી જ જોડાયેલું ક્ષત્રિયકુંડ હતું. ત્યાંના રાજકુમાર જમાલિએ પાંચસો બીજા ક્ષત્રિય કુમારો સાથે ભગવાનથી દીક્ષા ગ્રહણ કરી. તેમની પત્ની પ્રિયદર્શના; જે ભગવાનની પુત્રી હતી, એ પણ એક હજાર સ્ત્રીઓ સાથે દીક્ષા ગ્રહણ કરી. ભગવાને આ વર્ષાકાળ વૈશાલીમાં પૂરો કર્યો.
(કેવળીચર્ચાનું ત્રીજું વરસ ) વૈશાલીથી વિહાર કરી ભગવાન વત્સદેશની રાજધાની કૌશાંબી પધાર્યા અને ચંદ્રાવતરણ ચૈત્યમાં બિરાજમાન થયા. કૌશાંબીના રાજા સહસ્સાનીકનો પૌત્ર ત્યાં રાજ કરતો હતો, તેનું નામ ઉદાયન હતું. તે શતાનીકનો પુત્ર હતો. તેની માનું નામ મૃગાવતી હતું, તે વૈશાલીના રાજા જૈન ધર્મનો મૌલિક ઇતિહાસ 29009099239699999999 ૩૩૩]
