Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 299

અન્વેષણોએ એમાંની ઘણી ખરી વાતો પ્રત્યક્ષ કરી બતાવી છે. ગુજરાત વર્નાક્યુલર સોસાયટી દ્વારા પ્રકાશિત “જીવનવિજ્ઞાન” (પૃષ્ઠ ૪૩)માં એક આશ્ચર્યકારક ઘટના પ્રકાશિત કરવામાં આવી છે કે - “એક અમેરિકન ડૉક્ટરે એક ગર્ભવતી સ્ત્રીના પેટનું ઓપરેશન કરવાનું હતું. આથી એ ડૉક્ટરે પહેલાં એક ગર્ભવતી બકરીનું પેટ ચીરીને એના પેટમાંના બચ્ચાને વિજળીની શક્તિથી યુક્ત એક ડબ્બામાં રાખ્યું અને એ સ્ત્રીના પેટમાંનું બ કાઢી એ બકરીના ગર્ભમાં નાંખી દીધું. સ્ત્રીનું ઓપરેશન થઈ ગયા બાદ ડૉક્ટરે ફરી એ સ્ત્રીનું બચ્ચું એના પેટમાં મૂકી દીધું અને બકરીનું બચ્ચું બકરીના પેટમાં મૂકી દીધું. કાલાન્તરમાં બકરી અને સ્ત્રીએ જે બચ્ચાંઓને જન્મ આપ્યો, તે સ્વસ્થ અને સ્વાભાવિક રહ્યા.
(માતા ત્રિશલાના ગર્ભમાં) જે સમયે હરિëગમેષીએ ઇન્દ્રની આજ્ઞાથી મહાવીરના જીવનો દેવાનંદાના ગર્ભમાંથી ત્રિશલાના ગર્ભમાં સાહરણ કર્યું હતું, એ વખતે દેવાનંદાએ ૧૪ મહાસ્વપ્નોને પોતાના મોઢામાંથી નીકળતાં જોયાં. જાગીને શોક સંતપ્ત થઈ તે વિલાપ કરવા લાગી કે - “કોઈએ એના ગર્ભને હરી લીધો છે. એ જ રીતે આસો કૃષ્ણા ત્રયોદશી (તેરશ) ચંદ્રનો ઉત્તરાફાલ્ગની નક્ષત્ર સાથે યોગ થતા ત્રિશલાને ચૌદ મહાસ્વપ્ન દેખાયાં. સ્વપ્નશાસ્ત્રીઓએ કહ્યું: “આવાં સ્વપ્ન તીર્થકર અથવા ચક્રવર્તીની માતાઓ જ જુએ છે. આથી ત્રિશલા મહારાણીને મહાન ભાગ્યશાળી પુત્ર પ્રાપ્ત થશે, જે મોટો થઈ ચક્રવર્તી અથવા તીર્થકર બનશે.” સ્વપ્નપાઠકોની વાત સાંભળી રાજા સિદ્ધાર્થ અને રાણી ત્રિશલા ઘણા આનંદ પામ્યાં. ત્રિશલા સાવધાન રહીને સુખપૂર્વક પોતાનો ગર્ભકાળ પૂરો કરવા લાગી.
(ગર્ભમાં અભિગ્રહ અને જન્મ ) ભગવાન મહાવીરે અવધિજ્ઞાનથી જોયું કે ગર્ભમાં એનું સ્વાભાવિક હલન-ચલન માતાને ઘણું કષ્ટ પમાડે છે. આથી એમણે એમનું અંગ-સંચાલન બંધ કરી દીધું, એનાથી માતા ત્રિશલા ગભરાઈ ગઈ અને વિચારવા લાગી - “મારા ગર્ભસ્થ શિશુને શું થઈ ગયું છે?” આ સમાચારથી સ્વયં ત્રિશલા અને રાજપરિવાર વ્યાકુળ રહેવા લાગ્યો. જ્યારે ભગવાને અવધિજ્ઞાનથી માતા અને પરિવારની ચિંતા જાણી તો ફરી પોતાનાં અંગોપાંગ હલાવવાડોલાવવા લાગી ગયા; જેનાથી માતા અને બધાં ખુશ થઈ ગયાં. માતાના ૨૪ 9999999696969696969696969) જૈન ધર્મનો મૌલિક ઇતિહાસ |