Page Text
________________
સુશીલ હતી, પણ એને કોઈ સંતતિ હતી નહિ, કારણ કે તે વાંઝણી હતી. સંતતિના અભાવમાં તે પોતાની જાતને ઘણી અભાગિણી સમજતી હતી અને અત્યંત દુઃખી તેમજ ચિંતિત થઈ અંદરોઅંદર ઘોળાતી રહેતી હતી. એક દિવસ ભગવાન પાર્શ્વનાથની શિષ્યા આર્યા સુવ્રતા પોતાની અન્ય સાધ્વીઓની સાથે મધુકરી કરતા-કરતા સુભદ્રાના ઘરે પહોંચી. સુભદ્રાએ એમની આગતા-સ્વાગતા કરી અને પોતાના વાંઝિયાપણાની વાત જણાવી મદદ કરવાની વિનંતી કરી. આર્યાએ કહ્યું : “દેવી, અમારા માટે આવા વિષયમાં વિચારવું સુધ્ધાં નિષેધ છે, પણ જો તું ઇચ્છે તો અમે તને સર્વદુઃખનાશક વીતરાગધર્મ વિશે જણાવી શકીએ છીએ.” સુભદ્રાએ તૈયારી બતાવતા આર્યાએ સુભદ્રાને સાંસારિક ભોગ-ઉપભોગોની વિડંબના સમજાવતા વીતરાગતા અને ત્યાગમાર્ગનું મહત્ત્વ સમજાવ્યું.
સુભદ્રાએ પરમ સંતોષ અનુભવ્યો. એણે શ્રાવિકાધર્મ સ્વીકારી લીધો અને પાછળથી પ્રવ્રુજિત થઈ ગઈ. સાધ્વી બન્યા પછી કાલાન્તરમાં આર્યા સુભદ્રા બાળકોને જોઈને એમને ઘણા સ્નેહથી રમાડતી, ખવડાવતી અને મમતા દર્શાવતી હતી. આર્યા સુવ્રતાએ એને સમજાવ્યું કે - એનું આવું આચરણ સાધ્વીધર્મની વિરુદ્ધ છે' પણ એના વ્યવહારમાં કોઈ ફરક આવ્યો નહિ, અને અંતે તે અન્ય ઉપાશ્રયમાં જતી રહી. ત્યાં નિરંકુશ થઈ શિથિલાચારપૂર્વક ઘણાં વર્ષો સુધી શ્રમણપર્યાયનું પાલન કર્યું. અંતે અર્ધ માસની સંલેખના કરી આયુષ્ય પૂરું થતા સૌધર્મકલ્પમાં બહુપુત્રિકા દેવીના રૂપે ઉત્પન્ન થઈ.”
.
ગૌતમના પ્રશ્નના ઉત્તરમાં ભગવાને આગળ જણાવ્યું કે સૌધર્મકલ્પથી વ્યુત થઈ બહુપુત્રિકા દેવી ભારતના વિમલ સન્નિવેશમાં સોમા નામની એક બ્રાહ્મણ પુત્રીના રૂપે જન્મ લેશે. એનાં લગ્ન એના મામાના છોકરા રાષ્ટ્રકૂટ સાથે થશે. રાષ્ટ્રકૂટથી એને દર વર્ષે બાળકબાળકીના યુગલ (જોડિયાં) સંતાનો થશે અને સોળ વર્ષમાં ૩૨ બાળકોની માતા બની જશે. જેમની દેખ-ભાળ, શોર-બકોર અને મળ-મૂત્રમાં તે વ્યસ્ત થઈ પોતાની જાતને હતભાગી કહેશે. કાલાન્તરમાં તે એક સુવ્રતા નામની એક આર્યા પાસે પ્રજિત થઈ ઘોર તપ કરશે અંતે ૧ મહિનાના સંલેખનાપૂર્ણ પોતાના જીવનનો અંત આવતા શક્રેન્દ્ર સમાન દેવ બનશે. દેવભવ પૂરો થતા મહાવિદેહ ક્ષેત્રમાં મનુષ્યરૂપે જન્મ લઈ તપ-સંયમની સાધનાથી નિર્વાણપદ મેળવશે.’
જૈન ધર્મનો મૌલિક ઇતિહાસ –
૩૭૭૭ ૨૦૦
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |