________________
( ગ્રથ પરિચય) જૈન ધર્મનો મૌલિક ઈતિહાસ' નામનો પ્રસ્તુત ગ્રંથ પ્રથમાનુયોગની પ્રાચીન આગમીય પરંપરા અનુસાર લખવામાં આવ્યો છે. આ તીર્થકર ખંડમાં તીર્થકરોના પૂર્વભવ, દેવગતિની આયુ, ચ્યવન, ચ્યવનકાળ, જન્મ, જન્મકાળ, રાજ્યાભિષેક, વિવાહ, વર્ષીદાન, પ્રવ્રજ્યા, તપ, કેવળજ્ઞાન, તીર્થસ્થાપના, ગણધર, પ્રમુખ આર્યા, સાધુ-સાધ્વી આદિ પરિવારમાન તેમજ કરવામાં આવેલા વિશેષ ઉપકારનો પરિચય આપવામાં આવ્યો છે. ઋષભદેવથી મહાવીર સુધીના ૨૪ તીર્થકરોનો પરિચય “આચારાંગ, જબૂદીપપ્રજ્ઞપ્તિ, સમવાયાંગ, આવશ્યક આદિ સૂત્ર, “આવશ્યકનિયુક્તિ, આવશ્યકચૂર્ણિ, પ્રવચનસારોદ્ધાર, સત્તરિસયદ્વાર અને દિગંબર પરંપરાના મહાપુરાણ, ઉત્તરપુરાણ, તિલોયપણતી આદિ પ્રાચીન ગ્રંથોના આધારે લખવામાં આવ્યા છે. મતભેદનાં સ્થાનોમાં ‘ત્રિષષ્ટિશલાકાપુરુષચરિત્ર, આગમીયમત અને સત્તરિય પ્રકરણ'ને સામે રાખી શાસ્ત્રસંમત મતને પ્રમુખસ્થાન આપવામાં આવ્યું છે.
ઐતિહાસિક તથ્યોની ગવેષણા માટે જૈન સાહિત્ય સિવાય વૈદિક અને બૌદ્ધ સાહિત્યમાંથી પણ યથાશક્ય સામગ્રી સંકલનનું લક્ષ્ય રાખ્યું છે અને ગવેષણામાં કોઈ સાહિત્યની ઉપેક્ષા નથી કરવામાં આવી. મૌલિક ગ્રંથોના અતિરિક્ત આધુનિક લેખકોના સાહિત્યનો પણ ઉપયોગ કરવામાં આવ્યો છે. ભગવાન પાર્શ્વનાથના અધ્યાયમાં સંપાદક મંડળના પરામર્શદાતા શ્રી દેવેન્દ્ર મુનિ શાસ્ત્રીનાં સાહિત્યનું અને ભ. મહાવીરના અધ્યાયમાં શ્રી વિજયેન્દ્ર સૂરિ, શ્રી કલ્યાણવિજય આદિના સાહિત્યનો યથેષ્ટ પ્રયોગ કરવામાં આવ્યો છે. " લખતી વખતે એ વાતનું ધ્યાન રાખવામાં આવ્યું છે કે કોઈ પણ તથ્ય શાસ્ત્ર અને નિર્ગથ પરંપરાથી વિપરીત ન હોય તથા ક્યાંય પણ સાંપ્રદાયિક અભિનિવેશવશ કોઈ અપ્રામાણિક વાત ન આવવા પામે. આ ખંડમાં મુખ્યરૂપે તીર્થકરોનો જ પરિચય છે, અતઃ આને “તીર્થકર ખંડ' કહેવામાં આવ્યો છે.
(જૈન ધર્મનો મૌલિક ઈતિહાસ (વિસ્તૃત)ના
પ્રથમ ભાગમાંથી ઉદ્ધત અંશ લેવામાં આવેલો) | જૈન ધર્મનો મૌલિક ઇતિહાસ 9696969696969696969696969696999 ૨૩ |
