Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 258

પાસે આવ્યો. બ્રહ્મદત્તે બ્રાહ્મણનો ઘણો આદર-સત્કાર કર્યો. રાત્રે ભોજનના વખતે બ્રાહ્મણે બ્રહ્મદત્તને કહ્યું : “રાજન્ ! આજે હું પણ એ જ ભોજન કરવા માંગુ છું, જે તમારા માટે બનેલું છે.” બ્રહ્મદત્ત કહ્યું: “મિત્ર! આ ભોજન તારા માટે અપથ્ય અને ઉન્માદકારી થશે.” પણ બ્રાહ્મણે એમની વાત ન માની, પરિણામે બ્રાહ્મણ અને એના પરિવારને રાજા માટે બનેલું ભોજન જ પીરસવામાં આવ્યું. રાત્રે ભોજને એનો પ્રભાવ બતાવ્યો. બ્રાહ્મણ પરિવારના દરેક સભ્ય અદમ્ય કામભાવનાથી ઉત્તેજિત થઈ ઊઠ્યો, જેને શાંત કરવા માટે પિતા-પુત્ર, ઘરની બધી જ સ્ત્રીઓ સાથે આખી રાત બધા નૈતિક સંબંધોને ભૂલીને રતિક્રીડા કરવા લાગ્યા. સવાર પડતાં જ્યારે એ ગરિષ્ઠ રાજસી ભોજનનો પ્રભાવ થોડો ઓછો થયો અને એ પરિવારનો ઉન્માદ થોડો શાંત થયો, તો બધાંએ પોત-પોતાનાં કુકૃત્ય જાણ્યાં અને શરમના માર્યા મોટું સંતાડવા લાગ્યા. બ્રાહ્મણ પોતાના પાશવિક કૃત્યથી ક્ષોભ પામ્યો અને બ્રહ્મદત્તને વખોડતો-કોષતો નગર બહાર જતો રહ્યો.
અરણ્યમાં ઉદ્દેશ વગર ભટકતા રહેલા બ્રાહ્મણે એક ચરાવનારાને જોયો જે એની ગિલોળ વડે વડનાં કુમળાં પાનોને નીચે પાડી બકરીઓને ખવડાવી રહ્યો હતો. ભરવાડની અચૂક નિશાનબાજી જોઈ બ્રાહ્મણે વિચાર્યું કે - “એની મદદ વડે બ્રહ્મદત્ત સાથે વેર વાળી શકાય.' એણે ભરવાડને થોડુંક ધન આપી એની ગિલોળ વડે બ્રહ્મદત્તની આંખો ફોડાવી નાંખી. ભરવાડને તરત જ પકડી લેવામાં આવ્યો. જ્યારે ભરવાડ પાસેથી સાચી વાત જાણી તો બ્રહ્મદત્તે બ્રાહ્મણ પરિવારને મરાવી નાંખ્યો. છતાં પણ બ્રહ્મદત્તનો ગુસ્સો ઓસર્યો નહિ તો એણે એના મંત્રીને આદેશ આપ્યો કે - “નગરના બધા જ બ્રાહ્મણોની આંખો કાઢીને એક મોટા પતરાળમાં એની સામે રાખવામાં આવે.” મંત્રીએ આંખોની જગ્યાએ આંખો જેવા જ શ્લેષ્મ પુંજ ચીકણા ગુંદાના ઠળિયાથી આખી પતરાળ ભરીને આંધળા બ્રહ્મદત્તની સામે મૂકી દીધી. ગુંદાને બ્રાહ્મણોની આંખો સમજી એમને સ્પર્શીને બ્રહ્મદત્ત અત્યંત ખુશીનો અનુભવ કરતો રહેતો. તે દિવસ-રાત થાળીને પોતાની પાસે જ રાખતો હતો અને વારંવાર એને અડકીને પરમ સંતોષ પામતો હતો. આ રીતે બ્રહ્મદત્તે એના જીવનકાળના છેલ્લાં સોળ વર્ષ અવિરત તીવ્ર આર્ત અને રૌદ્રધ્યાનમાં ગાળ્યા અને સાતસો વર્ષનું આયુષ્ય પૂર્ણ થતા પોતાની મહારાણી કુરુમતીને નિરંતર યાદ કરતા-કરતા દેહત્યાગ કરી સાતમા નરકમાં ચાલ્યો ગયો. જેન ધર્મનો મૌલિક ઇતિહાસ 99999999999999999 ૨૫૩]