Page Text
________________
ગયા કે કોઈ એક શિકારીએ અમને બાણો વડે વીંધી નાખ્યાં, થોડી જ વારમાં તરફડીને અમે મરી ગયા. ત્યાર પછી અમે લોકો મયંગ નદીના કિનારે એક સરોવરમાં હંસિણીના પેટે હંસોના રૂપે જમ્યા અને સરોવરમાં પારધીએ જાળ ફેંકીને અમને બંનેને ફસાવી દીધા અને ડોકી મરડીને મારી નાખ્યા. - હંસની યોનિમાંથી નીકળી અમે કાશીના ઘણા સમૃદ્ધ ચાંડાળ ભૂતદીનની પત્ની ભાર્યા અતિકાની કૂખે જોડિયા ભાઈઓના રૂપમાં જન્મ લીધો. મારું નામ ચિત્ર અને એમનું નામ સંભૂત રાખવામાં આવ્યું. જ્યારે અમે આઠ વર્ષના થયા, ત્યારે કાશીનરેશ અમિતવાહને એમના પુરોહિત નમુચિને કાંઈક અપરાધ કર્યા બદલ દેહાંતદંડની સજા ફટકારી અમારા પિતાને એ કાર્ય સોપ્યું. અમારા પિતાએ નમુચિને કહ્યું: “જો તું મારા આ બંને પુત્રોને દરેક કળાઓમાં નિપુણ બનાવવા તૈયાર થાય તો હું તને મારા ભોંયરામાં સુરક્ષિત રાખીશ.” નમુચિ માની ગયો ને અમને શિક્ષા આપવા લાગ્યો. નમુચિનાં ખાવા-પીવા તેમજ નાહવા-ધોવાની વ્યવસ્થા અમારી માતા કરતી હતી. થોડાક જ વખતમાં પુરોહિત અને અમારી માતા, બંને એકબીજા પર મોહી પડ્યા. અમે બંનેએ વિદ્યાભ્યાસના લોભમાં એ બંનેના અવૈદ્ય સંબંધની વાત પિતાને ન જણાવી અને વિદ્યાભ્યાસમાં નિરંતર વિદ્યાધ્યયન કરી અમે બંને બધી જ કળાઓમાં કુશળ થઈ ગયા.
એક દિવસ અમારા પિતાને એ બંનેના અવૈદ્ય સંબંધની ખબર પડી ગઈ અને એમણે નમુચિની જીવનલીલા સમાપ્ત કરી દેવાનું નક્કી કર્યું. આ વાતની ખબર પડતા અમે ચુપચાપ નમુચિને અહીંથી ભગાડી દીધો. તે હસ્તિનાપુર જઈને સનત્કુમાર ચક્રવર્તીને ત્યાં મંત્રી બની ગયો.
ગાયન-વિદ્યામાં દક્ષ થયેલા અમે બંને ભાઈ વારાણસીની શેરીઓમાં સ્વેચ્છાથી ગાતા-ગાતા વિચારવા લાગ્યા. અમારા ગાયનથી આકર્ષાઈને નગરનાં લોકો તેમાં પણ ખાસ કરીને રમણીઓ-સ્ત્રીઓ બધું જ ભૂલીને મંત્ર-મુગ્ધ થઈ દોડતી આવતી. એ જોઈ વારાણસીના મુખ્ય નાગરિકોએ કાશીનરેશને કહીને અમારા નગરપ્રવેશ પર પ્રતિબંધ લગાવડાવી દીધો.
એક દિવસ વારાણસીના કૌમુદી-મહોત્વનું આયોજન કરવામાં આવ્યું. અમે બંને ભાઈઓ પણ મહોત્સવની મજા માણવા માટે સંતાઈને નગરમાં ઘૂસી ગયા. ત્યાં કોઈ એક જગ્યાએ સંગીત મંડળીનો કાર્યક્રમ ચાલી રહ્યો હતો. અનાયાસે જ અમારા બંનેના મોઢેથી સંગીતના સ્વર નીકળી પડ્યા. અમારો અવાજ સાંભળતાં જ ચારેય તરફથી ડોળું ઊમટી પડ્યું. [ ૨૪૬ 999999999963696993 જૈન ધર્મનો મૌલિક ઇતિહાસ
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |