Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 240

પોતાના પગના જોરે પોતે જ દોડવા લાગ્યા. દોડતાં-દોડતાં કોઇક ગામમાં પહોંચ્યા. બ્રહ્મદત્તને ગામની બહાર ઊભો રાખીને વરધનુ ગામમાં ગયો અને એક હજામને સાથે લઈ આવ્યો. હજામ પાસે મુંડન કરાવીને બ્રહ્મદરે કાળાં કપડાં પહેરી લીધાં અને પોતાના શ્રીવત્સ ચિહ્નને ઢાંકી દીધું. વરધનુએ એની જનોઈ બ્રહ્મદત્તને પહેરાવી દીધી. આ રીતે વેશપલટો કરી તેઓ ગામમાં ગયા, તો એક બ્રાહ્મણ એમને પોતાના ઘરે લઈ ગયો અને આદર-સન્માનપૂર્વક એમને ભોજન કરાવી આરામ કરવા કહ્યું. - બંને મિત્રો બેઠા જ હતા કે બ્રાહ્મણી એની ખૂબ જ સુંદર પુત્રી બંધુમતીની સાથે આવી અને બ્રહ્મદત્તની સામે હાથ જોડી ઊભી રહી ગઈ. આમ જોઈ બંને મિત્રો દંગ રહી ગયા. બ્રાહ્મણી બોલી : “મારી પુત્રીના યોગ ચક્રવર્તીની પત્ની થવાના છે. નિમિત્તોએ એના વરની જે ઓળખ બતાવી છે તે આજે મને મળી ગઈ છે. એમણે કહ્યું હતું કે - જે વ્યક્તિ પોતાના શ્રીવત્સ ચિહ્નને કપડા વડે ઢાંકીને તમારે ઘરે આવી ભોજન કરશે એ જ તારી કન્યાનો વર હશે.” - બ્રહ્મદત્તના લગ્ન બંધુમતી સાથે થઈ ગયા. એક રાતનું સુખ મેળવી ફરી દુઃખનો દરિયો ખેડવાનો હતો. સૂર્યોદય થયા પહેલાં જ દીર્ઘરાજના સૈનિકોએ કોષ્ટક ગામને ઘેરી લીધું. આ જોઈ બંને મિત્રો બ્રાહ્મણના ઘરમાંથી નીકળી જંગલી-હરણની જેમ જંગલનાં વૃક્ષો અને ઝાડીઓમાં સંતાતા-લપાતા ભાગતા રહ્યા. આમ એકધારા દોડવાના લીધે બ્રહ્મદત્તને તરસ લાગી. એણે વરધનુને કહ્યું: “વરધનુ! હવે એક પણ ડગલું ચાલી શકાતું નથી, તરસથી જીવ સુકાઈ રહ્યો છે.” તે એક ઝાડના ઓથે બેસી ગયો. બ્રહ્મદત્તને ત્યાં જ છોડીને વરધનું પાણી લેવા ગયો. પાણી લઈને આવી જ રહ્યો હતો કે એટલામાં કેટલાક સૈનિકોએ એને પકડી લીધો અને બ્રહ્મદત્તના વિષયમાં પૂછપરછ કરવા લાગ્યા. વરધનું દ્વારા જવાબ ન મળતાં તેને મારવા લાગ્યા. માર ખાઈને પણ વરધનુએ બ્રહ્મદત્તને . ઈશારા વડે ભાગી જવા કહ્યું. બ્રહ્મદર ગાઢ ઝાડો અને ઝાંખરાંઓની
ઓથ લઈ ભાગવા લાગ્યો. લાગલગાટ ત્રણ દિવસ સુધી ભાગતા રહ્યા, પછી બ્રહ્મદત્તે એક તાપસને જોયો. તાપસ એને પોતાના આશ્રમના કુલપતિ પાસે લઈ ગયો. કુલપતિએ તેજસ્વી વ્યક્તિત્વવાળા બ્રહ્મદત્તને તેમજ તેના વક્ષસ્થળે શ્રીવત્સ ચિહ્નને જોઈ આશ્ચર્યચકિત થઈ પૂછ્યું કે - “તું આ દશામાં કેવી રીતે ફસાઈ ગયો ?” જૈન ધર્મનો મૌલિક ઇતિહાસ 9696969696969696969696969696969 ૨૩૫]