Page Text
________________
તિથિએ સ્વયં વાસુદેવ શ્રીકૃષ્ણ બધા દીક્ષાર્થીઓનો અભિષેક કર્યો અને ભગવાનના સમવસરણમાં જઈ બધા દીક્ષાર્થીઓએ મુનિદીક્ષા લીધી. દીક્ષિત થયા પછી થાવગ્ગાપુત્રએ ચૌદ પૂર્વોનું અધ્યયન કર્યું અને તપ વડે કર્મોનો લોપ કરતા રહીને વિચરણ કરવા લાગ્યા. એમની આ તપસ્યા અને તીક્ષ્ણ સાધના-બુદ્ધિથી પ્રભાવિત થઈ ભગવાન અરિષ્ટનેમિએ એમની સાથે દીક્ષા પામેલા હજાર શ્રમણ-શ્રમણીઓને એમના શિષ્યના રૂપે એમને પ્રદાન કર્યા અને એમની સાથે વિહારચર્યા કરવાની પરવાનગી આપી દીધી. અણગાર થાવસ્ત્રાપુત્રએ પ્રભુની આજ્ઞા માથે ચઢાવી-શિરોધાર્ય કરી અને મોટી જવાબદારીની સાથે વિહારચર્યામાં તલ્લીન થયા.
પોતાના હજાર શિષ્યોની સાથે વિહાર કરતા-કરતા થાવગ્યા મુનિ એકવાર શૈલકપુરમાં પહોંચ્યા. ત્યાં એમના ઉપદેશોથી પ્રભાવિત થઈ શૈલકનરેશે પાંચસો બીજી પ્રમુખ વ્યક્તિઓની સાથે શ્રાવકધર્મ સ્વીકાર્યો. ત્યાંથી આગળ વધતા તેઓ સૌગંધિકા નગરીમાં પહોંચ્યા, ત્યાંના સુદર્શન નામના પ્રતિષ્ઠિત શ્રેષ્ઠીએ, જે થોડા સમય પહેલાં જ શુક નામના વિદ્વાન પરિવ્રાજકાચાર્યના ઉપદેશથી પ્રભાવિત થઈ એમનો ઉપાસક બની ગયો હતો, થાવચ્ચ મુનિના ઉમદા આચાર-વિચારથી પ્રભાવિત થઈ શ્રાવકધર્મ સ્વીકાર્યો. પોતાના શિષ્ય સુદર્શને શ્રાવકધર્મ સ્વીકાર્યાના સમાચાર સાંભળી શુક પરિવ્રાજક સુદર્શન પાસે ગયો. સુદર્શને એમની સામે થાવસ્થા મુનિની અપ્રતિમ પ્રશંસા કરી તો શુકે એમની સાથે ધર્મચર્ચા કરવાનો વિચાર પ્રસ્તુત કર્યો. સુદર્શન શ્રેષ્ઠી સહર્ષ શુકને મુનિ પાસે લઈ ગયા. શુકે અણગાર થાવસ્થા મુનિ સાથે ધાર્મિક અને આધ્યાત્મિક વિષયો ઉપર ગંભીર ચર્ચા કરી. મુનિ દ્વારા શુકની શંકાઓનું ખૂબ જ વિનય અને વિદ્વત્તાપૂર્વક સમાધાન થતા તે ઘણા સંતુષ્ટ થયા. મુનિનાં વચનો સાંભળી શુકને વાસ્તવિક બોધ મળ્યો. એમણે મુનિને પ્રણામ કરી, એમની શિષ્યતા સ્વીકારી અને પોતાના એક હજાર અનુયાયીઓની સાથે પંચમુષ્ટિ લોચ કરી શ્રમણધર્મ સ્વીકારી લીધો. શકે એના શિષ્યોની સાથે થાવસ્યા મુનિ પાસે ચૌદપૂર્વ અને એકાદશ અંગોનો વિધિવત્ અભ્યાસ કરીને થોડા જ સમયમાં આત્મજ્ઞાન માટે જાણીતા બન્યા, ત્યારે થાવગ્યા મુનિએ એમને એમના શિષ્યો સાથે ભ્રમણ કરવાની અનુમતિ આપી. શુકે એમની આજ્ઞાનું પાલન કર્યું. એમના ઉપદેશોથી પ્રભાવિત થઈ થાવચ્ચ મુનિના શ્રમણોપાસક શિષ્ય શૈલકનરેશે પોતાના પાંચસો શ્રાવક મિત્રો સાથે શ્રમણધર્મ અપનાવી લીધો. | ૨૨૬ 96969696969696969696969696969696 જન ધર્મનો મૌલિક ઇતિહાસ
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |