Page Text
________________
કંસને શંકા હતી કે વચનબદ્ધ હોવા છતાં પણ વસુદેવ પોતાના સંતાનને બચાવવાનો પ્રયત્ન કરી શકે છે, એટલે એણે દેવકી ને વસુદેવને. બંદીગૃહ(કારાવાસ)માં બંદી બનાવીને રાખ્યા હતા. ૯ મહિના પૂરા થતા
જ્યારે દેવકીએ પુત્રને જન્મ આપ્યો તો દિવ્ય પ્રભાવથી બધા ચોકીદારો નિદ્રાધીન થઈ ગયા. વસુદેવ પોતાના પુત્રને લઈને ગોકુળની તરફ ગયા, એ સમયે ધીમો ધીમો વરસાદ પડતો હતો, દેવતાએ અદેશ્ય છત્ર ધારણ કર્યું. યમુના પાર કરી તેઓ નંદને ત્યાં ગયા, જ્યાં યશોદાએ એક પુત્રીને જન્મ આપ્યો હતો. વસુદેવે પુત્રીની જગ્યાએ પુત્રને રાખીને પુત્રી દેવકી પાસે લઈ આવ્યા. જ્યારે દાસ-દાસીઓ જાગ્યાં તો, દેવકીની પુત્રીને કંસના હાથોમાં સોંપી દીધી. કંસ એનો ભય ટળી ગયો સમજી આશ્વસ્ત થઈ ગયો. આ તરફ ગોકુળમાં નંદ અને યશોદાને ત્યાં કૃષ્ણનું લાલનપાલન થતું રહ્યું. બાળપણથી જ કૃષ્ણનાં અભુત શૌર્ય અને પરાક્રમની જાણ થતા કંસને ઘણીવાર એના વિશે શંકા થતા, એને મારી નંખાવવા માટે કેટલીયે વાર જાત-જાતનાં ષડયંત્રો રચ્યાં, પણ તે હંમેશાં નિષ્ફળ જ રહ્યો.
કૃષ્ણ થોડાક મોટા થયા, તો કંસે પોતાના રાજમહેલમાં મલ્લયુદ્ધનું આયોજન કર્યું. કૃષ્ણ અને બળરામ પણ ત્યાં પહોંચ્યા. કંસે ચાણુર અને મુષ્ટિક નામના બે દુર્દાન્ત મલ્લોને તૈયાર કર્યા અને બે મદોન્મત્ત હાથી પણ એમને કચડવા માટે તૈયાર રાખ્યા. પણ કૃષ્ણ ને બળરામે મળીને બંને મલ્લો અને હાથીઓને હણી નાંખ્યા. પોતાના ષડયંત્રને વિફળ થતું જોઈ કંસ ઘણો ક્રોધિત થયો. એણે એના યોદ્ધાઓને એ બંનેને મારી નાખવાનો આદેશ આપ્યો. તરત જ કેટલાક સૈનિકો બંને પર તૂટી પડ્યા. બળરામે સૈનિકોને સંભાળ્યા અને કૃષ્ણએ ક્રોધિત શાર્દૂલ(વાઘ)ની જેમ છલાંગ મારી કંસને સિંહાસન ઉપરથી પૃથ્વી પર પછાડી દીધો અને એનો વધ કરી પ્રજાને એના અત્યાચારોથી મુક્ત કરી.
( જરાસંઘનો પ્રકોપ ) કંસના હણાવાથી મહારાજ સમુદ્રવિજયે ઉગ્રસેનને કારાવાસમાંથી મુક્ત કરી એમને મથુરાના રાજા બનાવ્યા. ઉગ્રસેને એમની પુત્રી સત્યભામાના વિવાહ ઘણા ધામ-ધૂમથી કૃષ્ણ સાથે કરાવ્યા, કંસના મૃત્યુ પામવાથી જીવયશા એમ કહીને રાજગૃહની તરફ ચાલી ગઈ કે - “તે બળરામ અને કૃષ્ણ સહિત બધા દશાહે સંતતિઓનો નાશ કરી નાખશે.' ૧૮૮ 36969696969696969696969696963 જૈન ધર્મનો મૌલિક ઇતિહાસ |
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |