Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 191

લલકાર્યા. વસુદેવની લલકાર સાંભળી કેટલાયે રાજા આક્રમણ કરવા માટે ઊભા થયા, તો મહારાજ પાંડુએ કહ્યું : “નહિ, આ ક્ષત્રિયોને શોભતું નથી કે અનેક રાજાઓ મળી કોઈ એક વ્યક્તિ પર આક્રમણ કરે.”
જરાસંધે પણ સહમતિ દર્શાવી કહ્યું કે – “હા, એક પછી એક રાજા વારાફરતી એની સાથે યુદ્ધ કરે, જે જીતી જશે, રોહિણી એની જ થશે.”
પછી શું હતું ? વસુદેવે એક-એક કરીને શત્રુંજયની જેમ કેટલાયે પરાક્રમી રાજાઓને પળવારમાં પરાસ્ત કરી દીધા, તો જરાસંધે મહારાજ સમુદ્રવિજયને કહ્યું : “સારું થશે કે તમે એની સાથે યુદ્ધ કરી રોહિણીને મેળવો.”
જરાસંધનો આગ્રહ સ્વીકારી મહારાજ સમુદ્રવિજયે વસુદેવ ઉપર બાવર્ષા શરૂ કરી. વસુદેવે એમનાં બાણોને વીંધી નાખ્યાં, પણ એમના ઉપર પ્રહાર કર્યો નહિ. પોતાનાં બાણોને તૂટીને જમીન પર પડતાં જોઈ સમુદ્રવિજય ઘણા કોપાયમાન થયા. એ સમયે વસુદેવે પોતાના નામનું બાણ એમનાં ચરણોની તરફ છોડ્યું. બાણ ઉપર વસુદેવનું નામ જોઈ સમુદ્રવિજય ચકિત થઈ ગયા. બધું જ ભૂલીને આનંદિત થઈ વસુદેવની તરફ દોડ્યા. વસુદેવ પણ એમનું શસ્ત્ર ફેંકી ભાઈના પગમાં પડ્યા. મોટા ભાઈએ નાના ભાઈને હૃદયસરસો ચાંપી દીધો. બાકીના આઠેય ભાઈઓ પણ પ્રફુલ્લિત થઈ એમને મળ્યા. જરાસંધ વગેરે રાજાઓએ કૌશલેશને ભાગ્યશાળી ગણ્યા. એમણે બધાની હાજરીમાં જ ઘણા ધામ-ધૂમથી રોહિણીના વિવાહ વસુદેવ સાથે સંપન્ન કરાવ્યા. વિવાહોત્સવ પૂર્ણ થતા બધા રાજાઓ પોત-પોતાના રાજ્યમાં પરત ફર્યા. સમુદ્રવિજયે કૌશલાધિપતિનો આગ્રહ સ્વીકારી ૧ વરસનો સમય ત્યાં વિતાવી અંતે વસુદેવને ત્યાં થોડો વધુ સમય રોકાવાની અનુમતિ આપી સોરિયપુર તરફ પ્રયાણ કર્યું.
અરિષ્ટપુરમાં રહીને રોહિણીએ એક પુત્રને જન્મ આપ્યો, જેનું નામ બળરામ રાખવામાં આવ્યું, અરિષ્ટપુરમાં હજી થોડો સમય વિતાવીને વસુદેવ, રોહિણી ને અન્ય પત્નીઓ તેમજ પુત્ર બળરામની સાથે ત્યાંથી વિદાય લઈ સોરિયપુર ચાલ્યાં આવ્યાં. થોડા સમય પછી કંસે ત્યાં આવી ઘણા અનુનય-વિનય સાથે આગ્રહ કર્યો કે - “વસુદેવ સપરિવાર મથુરા આવે.” વસુદેવે કંસની પ્રાર્થનાને માન આપી મથુરા આવી સુખપૂર્વક રાજમહેલોમાં રહેવા લાગ્યા. [૧૮૬ baaaaaaaaa999999થી ન ધર્મનો મૌલિક ઇતિહાસ ]