Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 187

સમક્ષ પ્રસ્તુત કર્યો. કુમાર વસુદેવના આ સાહસી કાર્યથી સમુદ્રવિજય ઘણા પ્રસન્ન થયા અને એના સ્વાગતની તૈયારી કરાવી.
એકાંત મેળવી સમુદ્રવિજયે વસુદેવને કહ્યું કે - “જીવયશાનાં લક્ષણોના આધારે જાણવા મળ્યું છે કે - “વિવાહ પછી એ બંને કુળોનો વિનાશ કરવાવાળી છે,” માટે એની સાથે તારું પાણિગ્રહણ કરવું શ્રેયસ્કર નથી જણાતું.” આથી વસુદેવે કહ્યું કે - “આ અભિયાનની સફળતામાં કિંસનો ઘણો મોટો ફાળો રહ્યો છે, તેથી પારિતોષિક ઇનામસ્વરૂપે જીવયશા એને આપી શકાય છે.” ત્યારે સમુદ્રવિજયે પ્રશ્ન કર્યો કે - “કોઈ ઉચ્ચ કુળની કન્યા એક સાધારણ વણિકપુત્રની સાથે કેવી રીતે લગ્ન કરી શકે છે ?” વસુદેવે કહ્યું કે - “કંસનું શૌર્યયુક્ત કાર્ય તો એવું જ સિદ્ધ કરે છે કે તે એક ક્ષત્રિયપુત્ર જ છે.”
હકીકતની તપાસ કરવા માટે જ્યારે વણિકને પૂછવામાં આવ્યું તો એણે કહ્યું : “મહારાજ, વાસ્તવમાં આ મારો પુત્ર નથી, યમુના નદીમાં વહેતી કાંસ્ય-પેટીમાંથી એ મળ્યો, માટે એનું નામ કંસ રાખી દીધું.” કાંસ્ય-પેટીમાં એની સાથે એક મુદ્રિકા-વીટી પણ મળી, જેના પર રાજા ઉગ્રસેનનું નામ જોઈને સમુદ્રવિજયને વિશ્વાસ બેસી ગયો કે - કંસ એમનો જ પુત્ર છે. તેઓ કંસ અને સિંહરથની સાથે તરત જ જરાસંધ પાસે ગયા અને કંસ દ્વારા સિંહરથને બંદી બનાવવાની ઘટનાનું વર્ણન કરતા જણાવ્યું કે - “કસ હકીકતમાં મહારાજ ઉગ્રસેનનો પુત્ર છે.” આ સાંભળી જરાસંધ ખુશ થઈ એની પુત્રી જીવ શાનાં લગ્ન કંસ સાથે કરાવી આપ્યાં.”
પોતાના પિતા દ્વારા ત્યજાયેલ જાણીને કંસે એમની સાથે બદલો લેવાનો સંકલ્પ કર્યો. જરાસંધના જમાઈ બનતાં જ એણે જરાસંધ પાસે મથુરાનું રાજ્ય માંગી લીધું અને ત્યાં જતા પ્રથમ જ એણે ઉગ્રસેનને કારાવાસમાં ધકેલી દીધા અને સ્વયં ત્યાં શાસન કરવા લાગ્યો.
( વસુદેવનું વ્યક્તિત્વ ) વસુદેવનું વ્યક્તિત્વ ઘણું જ આકર્ષક અને પ્રભાવશાળી હતું. રાજમાર્ગ પર તેમને આવતા-જતા જોઈ લોકો એમના મનોહારી સૌંદર્યના મુક્ત કંઠે વખાણ કરતા. સ્ત્રીઓ તો એમની કમનીય (કામણગારી) કાંતિને એકીટસે જોતી જ રહી જતી અને જાણે મંત્રમુગ્ધ થઈ શુદ્ધ-બુદ્ધ ગુમાવી [ ૧૮૨ 396369696969696969696969696963 જૈન ધર્મનો મૌલિક ઇતિહાસ |