Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 166

લાગી છે તો મારા આ શસ્ત્રાગારમાં ઉત્તમ ભોજનની વ્યવસ્થા છે. જેને ખાઈને તારું પેટ ભરી શકે છે.”
સુભૂમ સહજ નિર્ભયભાવથી પરશુરામની વાતો પણ સાંભળતો રહ્યો ને ખીર પણ ખાતો રહ્યો. પરશુરામની વાતો પૂરી થતા તે બોલ્યોઃ “હું કોઈના કહેવાથી નહિ, પણ મારા પરાક્રમના જોરે આ સિંહાસન પર બેઠો છું. હા, હું જાણું છું કે આ થાળમાં ક્ષત્રિયોની દાઢો રાખેલી હતી, પણ હું અદૃષ્ટ શકિતથી રૂપાંતરિત ખીર ખાઈ રહ્યો છું. હું જોવામાં તાપસ બ્રાહ્મણ જેવો લાગુ છું, પણ હકીકતમાં બ્રાહ્મણ નથી, હું ક્ષત્રિયકુમાર છું અને તારો વધ કરવા માટે આવ્યો છું ! પિતૃઋણથી મુક્ત થવા માટે મારી ભુજાઓ ફરકી રહી છે, માટે વાતો કરવી છોડી શસ્ત્ર લઈ તારું પરાક્રમ બતાવ. હું કાર્તવીર્ય સહસ્ત્રાર્જુનનો પુત્ર છું. તે સાત વખત પૃથ્વીને ક્ષત્રિયોથી રહિત કરી છે અને હું એકવીસ વાર પૃથ્વીને બ્રાહ્મણરહિત કરીશ, ત્યારે જ મારી ક્રોધજ્વાળાઓ શાંત થશે.”
સુભૂમનો આ લલકાર સાંભળી પરશુરામના રૂંવે-રૂંવા ફફડવા લાગ્યા. એમણે તરત જ પોતાના ધનુષની પણછ ચઢાવી સુભૂમ પર બાણોથી વર્ષા કરી દીધી. પણ અભૂમે થાળને ઢાલ બનાવી બધાં બાણોને નિષ્ક્રિય કરી દીધાં. આ જોઈ પરશુરામ ચકિત અને હતપ્રભ થઈ ગયા. ધનુષબાણને એક તરફ રાખી એમણે એમની પરશુ ઉપાડી, પણ તેને પણ નિષ્પભ થતી જોઈ એમને ઘણી નિરાશા થઈ. થોડી ક્ષણો વિચાર્યા પછી એમણે સુભૂમનું શિશ કાપવા માટે એની ગરદનની તરફ પરશુનો વાર કર્યો, પણ એ પરશુ સુભૂમના પગોમાં જઈ પડી. સુભૂમે અટ્ટહાસ કર્યો ને પરશુરામને મારવા માટે થાળ ઊંચક્યો. સુભૂમના હાથોમાં આવતા જ એ થાળ સહસ્ત્રાર ચક્રની જેમ ચમકવા લાગ્યો. સુભૂમે પરશુરામની ડોકને લક્ષમાં લઈ થાળ ફેંક્યો, જેનાથી પરશુરામનું માથું તાડના ફળની જેમ કપાઈને પૃથ્વી ઉપર આવી પડ્યું. પરશુરામનું મસ્તક કાપવા છતાં પણ સુભૂમનો ગુસ્સો શાંત ન થયો. એણે ભીષણ સંહાર કરી એકવીસ વખત પૃથ્વીને બ્રાહ્મણવિહીન બનાવી.
સમય જતા સુભૂમે સંપૂર્ણ ભરત ક્ષેત્રને એના સામ્રાજ્યમાં ભેગું કરી ચક્રવર્તીપદ પ્રાપ્ત કર્યું. નવ નિધિઓ અને ચૌદ રત્નોના સ્વામી બની સુભૂમ સુદીર્ઘ સમય સુધી વિસ્તૃત સામ્રાજ્યનો અધિપતિ રહ્યો. સમસ્ત સુખોનો ઉપભોગ કરી અંતે એનો જીવનકાળ પૂર્ણ થતા અવસાન પામી ઘોર નરકનો અધિકારી થયો. | જૈન ધર્મનો મૌલિક ઇતિહાસ 9696969696969696969696969૭૩૭૩ ૧૧]