Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 160

વાત સાંભળી એમણે કહ્યું કે - “આવી પરિસ્થિતિમાં અમે પણ પ્રવ્રજિત થવાનું પસંદ કરીશું, જેથી પહેલાના ભવની જેમ આ ભવમાં પણ તમારું માર્ગદર્શન મળતું રહે.” એ બધા રાજાઓને દેવી મલ્લી એમના પિતા મહારાજ કુંભ પાસે લઈ ગઈ. રાજાઓએ એમના ચરણસ્પર્શ કરી નમન કર્યું. મહારાજે એમનું યોગ્ય આદર-સન્માન કર્યું. પછી તેઓ બધા ત્યાંથી વિદાય લઈ પોત-પોતાના રાજ્યોમાં જતા રહ્યા.
દીક્ષા લેવાનો પોતાનો નિર્ણય દેવી મલ્લીએ એમના પિતાને જણાવી એમની પાસે અનુમતિ લઈ વર્ષીદાન શરૂ કર્યું. મહારાજા કુંભે મિથિલા નગરીમાં અનેક સ્થળોએ ભોજનશાળા ખોલાવી દીધી. માંગનારને એની માગણી પ્રમાણે દાન આપવામાં આવ્યું. વર્ષીદાન સમાપ્ત થતા મલ્લીકુમારીએ પ્રવ્રજ્યા ગ્રહણ કરવાનો વિચાર કર્યો. લોકાંતિક દેવોએ મર્યાદામાં રહી સંયમ ગ્રહણ કરવાની પ્રાર્થના કરી. મહારાજે એમના કુટુંબીજનોને આદેશ આપી તીર્થંકરના નિષ્ઠમણાભિષેક માટે જરૂરી બધા જ પ્રકારની સામગ્રીઓ જલદી લાવવાની આજ્ઞા આપી. દેવરાજ ઈન્દ્રએ પણ દેવોને આદેશ આપી દેવી મલ્લીના દીક્ષા-સમારંભ માટે દેવો તરફની બધી જ જરૂરી વ્યવસ્થાઓ કરાવડાવી. મહારાજ કુંભની બધી સામગ્રીઓની સાથે દેવતાઓ દ્વારા લાવવામાં આવેલ કળશ વગેરે બધો સામાન પણ મૂકી દેવામાં આવ્યો. નક્કી કરેલા સમયે દેવરાજ અને મહારાજે મલ્લીદેવીનો એ કળશો વડે અભિષેક કર્યો. અભિષેક પત્યા પછી દેવીને સિંહાસન પર બેસાડી ખાસ વસ્ત્રાલંકારથી અલંકૃત કરવામાં આવી. ત્યાર પછી મહારાજે એમનાં કુટુંબીઓને મનોરમા નામક શિવિકા - (પાલખી) લાવવા માટે કહ્યું. દેવરાજે પણ કેટલાયે સ્તંભો(થાંભલા)વાળી દિવ્ય અને સુરમ્ય શિવિકા (પાલખી) મંગાવી. દૈવી પ્રભાવથી ઈન્દ્ર દ્વારા મંગાવાયેલી પાલખી મહારાજની મનોરમા પાલખી સાથે એકાકાર થઈ ગઈ. પછી દેવીએ પાલખીમાં બેસી વિશાળ શોભાયાત્રા દ્વારા મિથિલા નગરીના મુખ્ય રાજમાર્ગમાંથી પસાર થતી સહસ્ત્રાપ્રવનમાં અશોક વૃક્ષની નીચે આવી. ત્યાં દેવી મલ્લીએ પોતાના હાથો વડે બધાં આભૂષણ ઉતારી સ્વયંના કેશો(વાળ)નો પંચમુષ્ટિ લોચ કર્યો. કેશોને ઇન્દ્રએ શ્વેત વસ્ત્રમાં રાખી ક્ષીરસાગરમાં પધરાવી દીધાં. અષ્ટમતપની સાથે અહંતુ મલ્લીએ ‘ણમોત્થરં સિદ્ધાણં' બોલીને સિદ્ધોને પ્રણામ કરી સામાયિક ચારિત્ર ધારણ | જૈન ધર્મનો મૌલિક ઇતિહાસ 96969696969696969696969696969699 ૧૫૫]