Page Text
________________
-ગ્રાસ નાખવામાં આવતો રહ્યો છે. નાખવામાં આવેલ એ જ આહારના ફળસ્વરૂપ આ પ્રકારની દુર્ગંધમય વિકૃતિ ઉત્પન્ન થઈ શકે છે, તો જાત-જાતના અશૌચથી ભરેલા, જાત-જાતના રોગોના ઘર, અસ્થિ, હાડકાં, ચર્મ-ચામડાથી બનેલા આ શરીરમાં દરરોજ નાખવામાં આવેલ પર્યાપ્ત ખાદ્યાન્નનું પરિણામ કેટલું દુર્ગંધપૂર્ણ હોઈ શકે છે ? માટે હે દેવાનુપ્રિયો ! આ શાશ્વત-સનાતન સત્યને ધ્યાનમાં રાખીને તમારે આ સાંસારિક કામ-ભોગોમાં ફસાવું ન જોઈએ.
યાદ કરો, આપણે સાતે સાત જણા આ જન્મના પહેલાના ત્રીજા જન્મમાં મહાવિદેહ ક્ષેત્રના સલિલાવતી વિજય ક્ષેત્રની રાજધાની વીતશોકા નગરીના સમવયસ્ક સખા, અનન્ય મિત્ર રાજપુત્ર હતા. આપણે જીવનમાં બધાં કામ સાથે જ કર્યાં, શ્રમણદીક્ષા પણ સાથે જ લીધી અને મુનિ બનીને બધાં જ તપ સાથે મળીને સમાન રૂપે કરવાનો નિર્ણય લીધો. મુનિજીવનની પ્રારંભિક અવસ્થામાં તમારા લોકોથી સંતાડીને વધારે તપ કરવાના કર્મના ફળરૂપે મને આ જન્મમાં સ્ત્રી અવતાર મળ્યો. આગળ જતા આપણે બધાએ વિશુદ્ધભાવથી એક સમાન દુષ્કર તપ-સાધના કરી. તીર્થંકર નામકર્મ મળે એવાં વીસ સ્થાનોની સાધના મેં ઉત્કટ રૂપે ઘણી વાર કરી, પરિણામે મેં તીર્થંકર નામકર્મને મેળવ્યું. આપણે બધા પોત-પોતાનાં તપ અને સાધનામાં લીન રહ્યાં. અંતે આપણે બધા સાતેય મુનિઓએ ચારુ પર્વત પર જઈ સંલેખનાપૂર્ણ સાથે જ પાદપોપગમન સંથારા કર્યાં અને સમાધિપૂર્વક જીવન સમાપ્ત કરી જયંત નામે અનુત્તર વિમાનમાં અર્હમિન્ન થયા. તમારા લોકોની જયંત વિમાનની અવધિ મારા કરતાં થોડી ઓછી હોવાના લીધે તમે લોકો મારા કરતાં પહેલાં જ ચ્યુત થઈ આ જન્મમાં છ જનપદોના રાજા બન્યા. મેં મારી ૩૨ સાગરની અવધિ પૂર્ણ કરી અહીં જન્મ લીધો. તમે બધા તમારા દેવભવનું સ્મરણ કરો, જેમાં આપણે શપથ લીધા હતા કે - અમે બધા દેવલોકથી ચ્યવન કર્યા પછી એકબીજાને પ્રતિબોધિત કરીશું.”
કુમારી મલ્લીના મુખે પોતાના બે પૂર્વજન્મોની કથની સાંભળી બધા રાજા વિચારમગ્ન થયા. એ જ અવસ્થામાં એમને જાતિસ્મરણનું જ્ઞાન થયું. બધા જ રાજા એકસાથે દેવી મલ્લી પાસે પહોંચ્યા. મલ્લીએ કહ્યું : “હું તો સાંસારિક જીવનથી ઉદ્વિગ્ન છું અને પ્રવ્રુજિત થઈ જઈશ. તમે બધા તમારી ઇચ્છાનુસાર નિર્ણય લેવા માટે સ્વતંત્ર છો.” દેવી મલ્લીની ઊઊઊ જૈન ધર્મનો મૌલિક ઇતિહાસ
૧૫૪ ૭૩
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |