Page Text
________________
પત્યા પછી બધા દૂતોએ પોત-પોતાના મહારાજના અભિપ્રાય - મત મહારાજ કુંભની પાસે રજૂ કર્યા. દૂતોના મોઢે છએ છ રાજાઓના કુમારી મલ્લીની સાથેના વિવાહ-પ્રસ્તાવની વાત સાંભળી મહારાજ કુંભના ગુસ્સાની કોઈ સીમા ન રહી. એમણે આવેશમાં આવી જઈ એ દૂતોને કહ્યું : “જઈને પોત-પોતાના રાજાઓને કહી દો કે - એમાંના એક પણ રાજા સાથે હું મારી કન્યાના વિવાહ કરીશ નહિ.'’' રાજમહેલ-ભવનમાંથી નીકળી બધા દૂતોએ પોત-પોતાના રાજ્યની વાટ પકડી. એમણે પોતાના રાજાઓને મિથિલાનરેશના ક્રોધ અને આવેશાત્મક ઉત્તર સંભળાવ્યો કે - ‘મહારાજ કુંભ એમની રાજકુમારીનુ લગ્ન કોઈ પણ શરતે અને કોઈ પણ કિંમતે તમારી સાથે કરવા તૈયાર નથી.'
દૂતોના મોઢે મહારાજ કુંભનો નકારાત્મક જવાબ સાંભળી જિતશત્રુ આદિ છએ છ રાજાઓએ દૂતોના માધ્યમથી અંદરખાને સંદેશ મોકલી નિર્ણય લીધો કે- ‘રાજા કુંભે અમારા દૂતોને એકસાથે અપમાનિત કરી એમના મહેલમાંથી કાઢી મૂક્યા અને અમારા આગ્રહ અને અનુરોધને ઠોકર મારી અમારું અપમાન કર્યું છે, એટલે આપણે બધા સાથે મળી મિથિલા ઉપર આક્રમણ કરીએ ને મહારાજ કુંભને પરાસ્ત કરી આપણા અપમાનનો બદલો લઈએ.' આ પ્રમાણે નિર્ણય લઈ બધા રાજાઓએ પોત-પોતાની સેના સાથે મિથિલા તરફ પ્રયાણ કર્યું. જ્યારે મહારાજ કુંભને ખબર પડી કે - ‘પ્રતિબુદ્ધિ વગેરે છએ છ રાજા મિથિલા પર આક્રમણ કરવા માટે આવી રહ્યા છે,' તો એમણે એમનું લશ્કર તૈયાર કર્યું અને રાજ્યની સીમા પર એમનો સામનો કરવા માટે એમનાથી પહેલાં પહોંચી ગયા.
થોડી જ વારમાં બધા રાજાઓની વિશાળ સેના આવી ગઈ અને આક્રમણ કરી દીધું. બધા રાજાઓની ભેગી સેના સામે મહારાજ કુંભની સેના વધુ સમય ટકી ન શકી અને પીછેહઠ કરવા લાગી. રાજા કુંભને બધા રાજાઓએ ઘેરી લીધો. પોતાના પ્રાણ સંકટમાં જોઈ રાજા નિરાશ થયા. એમણે તરત જ એમની સેનાને પાછા ફરવાનો આદેશ આપ્યો અને મિથિલા પહોંચી બધાં જ પ્રવેશદ્વારો બંધ કરાવી દીધાં. આ રીતે શત્રુઓના આવાગમનના બધા રસ્તા બંધ કરાવી નગરની રક્ષા-વ્યવસ્થા અને ભવિષ્યની રણનીતિ પર વિચાર કરવા લાગ્યા.
મહારાજ કુંભ એમની સેનાની સાથે પાછા ફર્યા, તો બધા રાજાઓ એમની સેના સાથે એમની પાછળ ગયા અને મિથિલા પહોંચી ચારેય ઊઊઊ જૈન ધર્મનો મૌલિક ઇતિહાસ
૧૫૨
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |