Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 148

બળભદ્રનું રાજસી ઠાઠ-માઠથી પાલન-પોષણ કર્યું, યોગ્ય કેળવણી પ્રદાન કરી અને સમય આવતા યુવરાજ ઘોષિત કર્યા.
મહારાજ મહાબળના અચલ, ધરણ, પૂરણ, વસુ, વૈશ્રમણ અને અભિચંદ નામના છ સમવયસ્ક મિત્રો હતા. આ સાતેય મિત્રોમાં એટલી પ્રગાઢ મિત્રતા હતી કે એક દિવસે એમણે સંકલ્પ કર્યો કે - “તેઓ આજીવન સાથે રહેશે ને જીવનનાં બધાં કામ, એટલે સુધી કે પરલૌકિક હિત-સાધનાનાં બધાં કામો પણ સાથે રહીને કરશે. વખત જતા ઇન્દ્રકુંભ ઉધાનમાં કેટલાક સ્થવિર શ્રમણોનું આગમન થયું. સાતેસાત મિત્રો પણ શ્રમણદર્શન અને ઉપદેશ-શ્રવણ માટે ત્યાં ગયા. ધર્મોપદેશ સાંભળ્યા પછી મહાબળે કહ્યું કે - “હું મારા પુત્રને રાજ્યનો કારભાર સોંપી દીક્ષા લેવા માંગુ છું.” મહાબળની આ વાત સાંભળી બાકીના મિત્રોએ કહ્યું કે - “અમને પણ સંસારથી કયું વિશેષ આકર્ષણ છે? અમે લોકો પણ તારી સાથે જ પ્રવ્રજ્યા ધારણ કરીશું.” બધા મિત્રોએ પોત-પોતાના પુત્રોને રાજ્યનો કારભાર સોંપી પોત-પોતાના હાથો વડે પંચમુષ્ટિ લોચ કરી સ્થવિર મુનિની પાસે શ્રમણધર્મની દીક્ષા અંગીકાર કરી.
શ્રમણધર્મમાં દીક્ષિત થયા પછી એ સાતેય મિત્રોએ સાથે રહીને એકાદશાંગીનું અધ્યયન કર્યું અને પોતાના આત્માને તપ અને સંયમ વડે ભાવિત કરી વિચરણ કરવા લાગ્યા. કાલાન્તરે અરસપરસમાં વિચાર કરી એ સાતેય મુનિઓએ નિર્ણય લીધો કે - “તેઓ બધા પોતાના તપ અને સાધનાઓ એકસાથે, સમાનરૂપે કરશે.” પોતાના નિર્ણયાનુસાર સાતેય શ્રમણ-મિત્ર એકસાથે, સમાન તપનું આચરણ કરવા લાગ્યા. થોડા સમય પછી મુનિ મહાબળના મનમાં એવો વિચાર સ્ફરિત થયો કે - “શ્રમણધર્મ સ્વીકાર્યા પહેલાં હું મારા બધા જ મિત્રો કરતા ઋદ્ધિ, સિદ્ધિ, સમૃદ્ધિ ને ઐશ્વર્યમાં ઘણો જ આગળ રહ્યો છું. આ લોકો ક્યારેય મારા સમકક્ષ ન હતા, અતઃ મારે તપના આચરણમાં પણ એમનાથી આગળ જ રહેવું પોઈએ.” આ વિચાર-તરંગથી મહાબળના મનમાં છલ-છવાની ભાવના જગી અને પોતાના અન્ય મિત્રોથી સંતાડી તે એમની સાથે જ એમનાથી બાગળની ઊંચી સાધના કરવા લાગ્યો. જેમ છએ છ મુનિ ષષ્ઠભક્ત તપ કરતા, તો મહાબળ અષ્ટમભક્તનું તપ કરતો. ફળસ્વરૂપે મોટા રહેવાની માકાંક્ષા અને ઘમંડની ભાવનાથી મહાબળનું સમ્યકત્વ મલિન થયું. . આ પ્રમાણે પોતાના છએ છ મિત્રોની સાથે સંયુક્ત રૂપે લીધેલી સમાન તપસ્યા કરવાની પોતાની પ્રતિજ્ઞા છતાં પોતાના મિત્રોને એના Po wafal Alfas ulaeizi 00000000000000000 983