________________
'ભગવાળ થી મલ્લીળાશ ભગવાન શ્રી અરનાથ પછીના ઓગણીસમા તીર્થંકર શ્રી મલ્લીનાથ થયાં. એમનો જન્મ અઢારમા તીર્થંકરના નિર્વાણના પ૫ હજાર વર્ષ ઓછાં ૧ હજાર કરોડ વર્ષ વિત્યા પછી થયો.
પૂર્વજન્મ) ભગવાન મલ્લીનાથ એમના પૂર્વજન્મમાં મહાબળ નામક મહારાજા હતા. એમની કથા કંઈક આ પ્રમાણે છે : - ઘણા લાંબા સમય પહેલાં ભૂતકાળમાં જમ્બુદ્વીપના મહાવિદેહ ક્ષેત્રમાં સલિલાવતી નામક વિજયમાં વીતશોકા નામની એક નગરી હતી. એ નગરીમાં બળ નામનો એક રાજા હતો. એની મહારાણી ધારિણીએ એક રાતે સ્વપ્ન જોયું કે એક કેસરી સિંહ એમના મોઢામાં પ્રવેશ કરી રહ્યો છે. સ્વપ્નપાઠકોએ જણાવ્યું કે - “મહારાણી એક અતિબળશાળી અને પ્રતાપી પુત્રને જન્મ આપશે.” યથાસમયે પુત્રજન્મ થતા રાજા બળે એમના આ પુત્રનું નામ મહાબળ રાખ્યું. ઉચિત ઉંમર થતા મહાબળનાં લગ્ન અત્યંત રૂપવતી કમલશ્રી આદિ પાંચસો (૫૦૦) રાજકુમારીઓ સાથે કરવામાં આવ્યાં. આ રીતે રાજકુમાર મહાબળ સાંસારિક ભોગોના ઉપભોગમાં રત થઈ જીવન વ્યતીત કરવા લાગ્યા.
સમય જતા વીતશોકા નગરીના ઈન્દ્રકુંભ ઉદ્યાનમાં સ્થવિર મુનિઓનું પદાર્પણ થયું. મહારાજ બળ પોતાના પરિજનો અને પુરજનોની સાથે દર્શન અને પ્રવચનનો લાભ લેવા ત્યાં પહોંચ્યા. મુનિઓનો ઉપદેશ સાંભળી મહારાજના મનમાં દીક્ષા લેવાની પ્રબળ ઈચ્છા જાગી. રાજાએ પોતાના યુવરાજનો રાજ્યાભિષેક કરી વિરોની સેવામાં ઉપસ્થિત થઈ ભાગવતી દીક્ષા અંગીકાર કરી. દીક્ષા પછી મહારાજ બળે અનેક વર્ષો સુધી પૂર્ણ નિષ્ઠા અને પ્રગાઢ શ્રદ્ધાથી શ્રમણપર્યાયનું પાલન કર્યું અંતે ચારુ પર્વત પર સંલેખના-સંથારો કર્યો અને ૧ માસના અનશન સાથે સમૂળગા કર્મનો અંત આણી નિર્વાણ પ્રાપ્ત કર્યું.
આ તરફ સિંહાસન પર બેઠા પછી મહાબળે ન્યાય-નીતિપૂર્ણ પ્રજાનું પાલન કર્યું. એમની મહારાણી કમલશ્રીએ એક ઓજસ્વી પુત્રને જન્મ આપ્યો, જેનું નામ બળભદ્ર રાખવામાં આવ્યું. મહારાજ અને મહારાણીએ. ૧૪ર 9696969696969696969696969696969) જૈન ધર્મનો મૌલિક ઇતિહાસ
