________________
સહસ્સામ્રવનમાં પહોંચ્યા અને અશોક વૃક્ષની નીચે ધ્યાનસ્થ થઈ ગયા. શુક્લધ્યાનના બીજા ચરણમાં એમણે ક્ષપકશ્રેણીથી કષાયો(પાપો)નું ઉન્મેલન (નાશ) કરી ઘાતકર્મોનો ક્ષય કર્યો અને વૈશાખ કૃષ્ણ ચતુર્દશી (ચૌદશ)એ રેવતી નક્ષત્રમાં અષ્ટમભક્ત તપસ્યાથી કેવળજ્ઞાન પ્રાપ્ત કર્યું.
કેવળજ્ઞાનની ઉપલબ્ધિ પછી ભગવાન અનંતનાથે ધર્મદેશના (બોધ) આપી અને ચતુર્વિધ સંઘની સ્થાપના કરી. ભાવ-તીર્થકર તરીકે જાણીતા થયા. દ્વારિકાની પાસે પહોંચતા એ સમયના વાસુદેવ પુરુષોત્તમ અને બળદેવ સુપ્રભએ એમનો ઉપદેશ સાંભળીને સમ્યકત્વ પ્રાપ્ત કર્યું. બળદેવ સુપ્રભએ ભાઈના દેહાવસાન પછી વૈરાગ્ય ધારણ કરી મુનિધર્મ અંગીકાર કર્યો અને અંતે જીવનલીલા સંકેલી સિદ્ધપદ પ્રાપ્ત કર્યું.
ભગવાન અનંતનાથના સંઘમાં ૫૦ ગણ અને ગણધર, ૫૦૦૦ કેવળી, ૫૦૦૦ મન:પર્યવજ્ઞાની, ૪૩૦૦ અવધિજ્ઞાની, ૯૦૦ ચૌદપૂર્વધારી, ૮૦૦૦ વૈક્રિયલબ્ધિધારી, ૩૨૦૦ વાદી, ૬૬૦૦૦ સાધુ, ૬૨૦૦૦ સાધ્વીઓ, ૨૦૬૦૦૦ શ્રાવક તથા ૪૧૪૦૦૦ શ્રાવિકાઓનો બહોળો સમૂહ હતો.
૭ લાખ વર્ષમાં ૩ વર્ષ ઓછા સમય સુધી કેવળીપર્યાયમાં વિચરણ કર્યા પછી પ્રભુ એક હજાર સાધુઓની સાથે ૧ મહિનાના અનશન બાદ ચૈત્ર શુક્લ પંચમી (પાંચમ)ના રોજ રેવતી નક્ષત્રમાં ૩૦ લાખ વર્ષની જીવનલીલા સંકેલીને સઘળાં કર્મોનો વિલાપ કરી સિદ્ધ, બુદ્ધ અને મુક્ત થયા.
| જૈન ધર્મનો મૌલિક ઇતિહાસ કચ્છ6969696969696969696969696969697 ૧ર૦]
