________________
કોઈ એક દિવસે મધુર સંગીતનો આનંદ લેતા-લેતા ઊંઘવાનો સમય થતા શધ્યાપાલકને આદેશ આપ્યો કે - “મને ઊંઘ આવી જતા સંગીત બંધ કરી દેજે.” મધુર સંગીતની મસ્તીમાં શવ્યાપાલક ત્રિપૃષ્ઠની આજ્ઞાનું પાલન કરવાનું ભૂલી ગયો. ત્રિપૃષ્ઠ જ્યારે જાગ્યા તો, સંગીત ચાલતું જોઈ અત્યંત ક્રોધિત થઈ શધ્યાપાલકના કાનોમાં ગરમ-ગરમ સીસું રેડાવ્યું, જેનાથી શય્યાપાલક તરફડીને ત્યાં જ મૃત્યુ પામ્યો. આ ક્રૂર કર્મથી ત્રિપૃષ્ઠના સમ્યકત્વનો ભાવ ખંડિત થઈ ગયો અને એણે નરક ગતિનો બંધ કર્યો. ૮૪ લાખ વર્ષનું આયુષ્ય ભોગવીને તે સાતમી નરકનો અધિકારી બન્યો.
બળદેવ અચલે જ્યારે ભાઈના અવસાનના સમાચાર સાંભળ્યા તો ભ્રાતૃપ્રેમના કારણે શોકાતુર થઈ કરુણ સ્વરે વિલાપ કરતા-કરતા બેશુદ્ધ થઈ ગયો. મૂચ્છ દૂર થતા વડીલોના સમજાવવાથી અને સ્વ-ચિંતનથી સંસારની અસારતા જાણી સાંસારિક વિષયોથી વિમુખ થઈ એમણે આચાર્ય ધર્મઘોષ પાસે જિનદીક્ષા ગ્રહણ કરી અને તપ-સંયમથી સઘળાં કર્મોનો ક્ષય કરી સિદ્ધ થઈ ગયા. એમનો જીવનકાળ ૮૫ લાખ વર્ષ હતો.
ભ. શ્રેયાંસનાથે કેવળજ્ઞાન પ્રાપ્ત કર્યા પછી ૨૧ લાખ વર્ષમાં ૨ મહિના ઓછા જેટલો સમય ભૂમંડળ પર વિચરણ કરીને. જીવોને આત્મકલ્યાણનો માર્ગ દેખાડ્યો. મોક્ષકાળ સમીપ જાણી એક હજાર મુનિઓની સાથે અનશન ગ્રહણ કરી શુકલધ્યાનના તૃતીય ચરણમાં અયોગી દશાને પ્રાપ્ત કરી શ્રાવણ શુક્લ ત્રીજના રોજ ઘનિષ્ઠા નક્ષત્રમાં સંપૂર્ણ કર્મોનો ધ્વંસ કરી સિદ્ધ, બુદ્ધ અને મુક્ત થયા. એમનું આયુષ્ય ૮૪ લાખ વર્ષનું હતું. શ્રેયાંસનાથ ભગવાનના ધર્મકુટુંબમાં ૭૬ ગણધર, ૬૫૦૦ કેવળી, ૬૦૦૦ મન:પર્યવજ્ઞાની, ૬૦૦૦ અવધિજ્ઞાની, ૧૩૦૦ ચૌદપૂર્વધારી, ૧૧૦૦૦ વૈક્રિયલબ્ધિધારી, ૫૦૦૦ વાદી, ૮૪૦૦૦ સાધુ, ૧૦૩૦૦૦ સાધ્વીઓ, ૨૭૯૦૦૦ શ્રાવક અને ૪૪૮૦૦૦ શ્રાવિકાઓ હતાં.
| જૈન ધર્મનો મૌલિક ઇતિહાસ
9696969696969696969696969696969 ૧૨૧]
