________________
ભગવાન શ્રી ચંદ્રમણ ભગવાન સુપાર્શ્વનાથ પછી આઠમા તીર્થંકર શ્રી ચંદ્રપ્રભ સ્વામી થયા. પોતાના પૂર્વભવમાં ધાતકીખંડમાં મંગળાવતી નગરીના મહારાજ પદ્મના રૂપમાં એમણે ઉચ્ચ યોગોની સાધનાઓ કરી, ફળસ્વરૂપ એમને વૈરાગ્ય થયો અને એમણે યુગધર મુનિની પાસે સંયમ ગ્રહણ કરી દીર્ઘકાળ સુધી ચારિત્રધર્મનું પાલન કરીને વીસ સ્થાનોની આરાધના કરી અને તીર્થકર નામકર્મનું ઉપાર્જન કર્યું. અંત સમયની આરાધનાથી કાળધર્મ પ્રાપ્ત કરી તેઓ વિજય વિમાનમાં અહમિન્દ્રરૂપમાં ઉત્પન્ન થયા.
વિજય વિમાનમાંથી ઊતરી મહારાજ પદ્મનો જીવ ચૈત્ર કૃષ્ણ પંચમીએ અનુરાધા નક્ષત્રમાં ચંદ્રપુરીના રાજા મહાસેનની રાણી સુલક્ષણાને ત્યાં ગર્ભરૂપમાં ઉત્પન્ન થયો. રાણીએ એ જ રાત્રે ચૌદ મહાશુભ સ્વપ્ન જોયાં. ગર્ભકાળ પૂર્ણ થતા મહારાણી સુલક્ષણાએ પોષ કૃષ્ણ દ્વાદશી(બારશ)ના દિવસે અનુરાધા નક્ષત્રમાં અર્ધરાત્રિના સમયે પુત્રરત્નને જન્મ આપ્યો, જેનો જન્મોત્સવ અતિ-પાંડ-કંબલ-શિલા ઉપર દેવ-દેવેન્દ્રોએ ઉત્સાહપૂર્વક ઉજવ્યો.
મહારાજ પદ્મસેને બારમા દિવસે પુત્રના નામકરણ માટે લોકોને નિમંત્રિત કરી કહ્યું કે - “બાળકની માતાએ ગર્ભકાળમાં ચંદ્રપાનની ઇચ્છા પૂર્ણ કરી તથા બાળકના શરીરની પ્રભા પણ ચંદ્ર જેવી છે, અતઃ બાળકનું નામ ચંદ્રપ્રભ રાખવામાં આવે છે.”
યુવાવસ્થા પ્રાપ્ત કરતા જ મહારાજે ચંદ્રપ્રભના વિવાહ ઉત્તમ રાજકન્યાઓ સાથે કરાવ્યા. અઢી લાખ પૂર્વ વર્ષ સુધી યુવરાજપદ પર રહ્યા. પછી એમને રાજ્યપ્રદ ઉપર અભિષિક્ત કરવામાં આવ્યા. ૬ લાખ પૂર્વ વર્ષથી થોડા વધુ સમય સુધી એમણે રાજ્ય-સંચાલન કરીને નીતિધર્મનો પ્રચાર-પ્રસાર કર્યો.
સંસારનાં ભોગકર્મ ક્ષીણ થયાં જાણી પ્રભુએ શ્રમણ દીક્ષાનો સંકલ્પ કર્યો. લોકાંતિક દેવોની પ્રાર્થના અને વર્ષીદાન પછી એક હજાર રાજાઓની જન ધર્મનો મૌલિક ઇતિહાસ 969696969696969696969696969696969ી ૧૧૩]
