________________
ભગવાન શ્રી સુપાર્શ્વનાથ
ભગવાન પદ્મપ્રભના પછી સાતમા તીર્થંકર શ્રી સુપાર્શ્વનાથ થયા. ભગવાન સુપાર્શ્વનાથ પોતાના પૂર્વભવમાં ક્ષેમપુરીના મહારાજ નંદિસેન હતા. એમણે આચાર્ય અરિદમનની પાસે સંયમ લઈ વીસ સ્થાનોની આરાધના કરી અને તીર્થંકર નામકર્મ ઉપાર્જન કર્યું. અંત સમયે કાળધર્મ પ્રાપ્ત કરી તેઓ છઠ્ઠા ત્રૈવેયકમાં અહમિન્દ્રના રૂપમાં ઉત્પન્ન થયો. ત્રૈવેયકની આયુ પૂર્ણ કરી ભાદરવાની કૃષ્ણ અષ્ટમીના દિવસે વિશાખા નક્ષત્રમાં વારાણસી નગરીના રાજા પ્રતિષ્ઠસેનની રાણી પૃથ્વીની કુક્ષિમાં પ્રવિષ્ટ થયા. એ જ રાતે મહારાણીએ મહાપુરુષના જન્મસૂચક મંગળકારી ચૌદ સ્વપ્ન જોયાં અને ગર્ભકાળની સમાપ્તિએ જેઠ શુક્લ દ્વાદ્દશી(બારશ)ના રોજ વિશાખા નક્ષત્રમાં સુખપૂર્વક પુત્રરત્નને જન્મ આપ્યો.
બારમા દિવસે નામકરણના સમયે મહારાજે ગર્ભકાળમાં માતાના પાર્શ્વ - શોભન રહ્યા.' એમ વિચારી એમનું નામ સુપાર્શ્વનાથ રાખ્યું. વિવાહ-યોગ્ય થતા સુપાર્શ્વનાથનો વિવાહ યોગ્ય કન્યાઓ સાથે કરાવવામાં આવ્યો અને ત્યાર બાદ એમને રાજ્યપદ પર સુશોભિત કર્યા. પ્રભુએ ચૌદ લાખ પૂર્વથી થોડાંક વધુ સમય સુધી રાજશ્રીનો ઉપભોગ કરીને પ્રજાને નીતિ અને ધર્મના માર્ગ ઉપર ચાલવાનું શીખવ્યું.
લાંબા સમય સુધી રાજ્ય કર્યા પછી ભોગ્ય કર્મને ક્ષીણ થયેલ જાણીને એમને સંયમ ગ્રહણ કરવાની ઇચ્છા થઈ. લોકાંતિક દેવોના આગ્રહથી એમણે ૧ વર્ષ સુધી દાન આપ્યું અને જેઠ શુક્લ ત્રયોદશી (તેરશ)ના રોજ એક હજાર અન્ય રાજાઓની સાથે દીક્ષા માટે નિષ્ક્રમણ કર્યું. ષષ્ઠમભક્ત તપની સાથે ઉદ્યાનમાં પહોંચી પ્રભુએ પંચમુષ્ટિ લોચન કરી સર્વથા પાપોને ત્યાગીને મુનિવ્રત ગ્રહણ કર્યું. બીજા દિવસે પાટલિખંડ નગરના મહારાજા મહેન્દ્રને ત્યાં એમનું પારણું થયું.
૯ મહિના સુધી છદ્મસ્થચર્યામાં વિવિધ પ્રકારનાં તપ કરીને વિચરતા રહ્યા. પછી સહસ્રામ્રવનમાં આવી શુકલધ્યાનમાં સ્થિત થઈ ગયા. પ્રભુએ જ્ઞાનાવરણાદિ ચાર ઘાતીકર્મોનો નાશ કરી ફાગણ શુક્લ ષષ્ઠી(છઠ્ઠ)એ જૈન ધર્મનો મૌલિક ઇતિહાસ છે ૩૭૭ ૧૧૧
