________________
ભગવાન શ્રી પદ્મપ્રભ
જૈન ધર્મનાં છઠ્ઠા તીર્થંકર ભગવાન શ્રી પદ્મપ્રભ થયા. એમના પૂર્વભવમાં તેઓ સુસીમા નગરીમાં મહારાજા અપરાજિત હતા. તેઓ ન્યાય-નીતિ અને ધર્મપૂર્ણ વ્યવહાર કરતા હતા. એક દિવસ સંસારથી વિરક્ત થઈ એમણે પિહિતાશ્રવ મુનિનાં ચરણોમાં સંયમ ગ્રહણ કરી અર્હદ્ભક્તિ આદિ સ્થાનોની આરાધના કરી તીર્થંકર નામકર્મનું ઉપાર્જન કર્યું. અંત સમયે સમાધિપૂર્વક આયુષ્ય પૂર્ણ કરી તેઓ ૩૧ સાગરની પરમ સ્થિતિવાળા ત્રૈવેયક દેવ થયા.
જન્મ અને નામકરણ
ત્રૈવેયક દેવની વય પૂર્ણ થતા અપરાજિતનો જીવ મહા કૃષ્ણ ષષ્ઠીએ ચિત્રા નક્ષત્રના યોગમાં દેવલોકથી ચ્યુત થઈ કૌશાંબી નગરીના મહારાજા ધરને ત્યાં એમની મહારાણી સુસીમાની કુક્ષિમાં ઉત્પન્ન થયો. મહારાણીએ ૧૪ મહાશુભ સ્વપ્ન જોયાં. ગર્ભકાળ પૂર્ણ થતા કારતક કૃષ્ણ દ્વાદશી(બારશ)ના રોજ ચિત્રા નક્ષત્રમાં એમનો જન્મ થયો. ગર્ભ-કાળમાં માતા મહારાણી સુસીમાને પદ્મની શય્યા પર સુવાની ઇચ્છા ઉત્પન્ન થઈ અને બાળકના શરીરની આભા પદ્મ સમાન હતી, એટલે માતા-પિતાએ એમનું નામ પદ્મપ્રભ રાખ્યું.
વિવાહ અને દીક્ષા
બાળપણ પૂર્ણ થતા જ્યારે પદ્મપ્રભએ યૌવનમાં પ્રવેશ કર્યો તો મહારાજ ધરે સુયોગ્ય કન્યાઓની સાથે એમના વિવાહ કરાવ્યા. ૮ લાખ વર્ષ પૂર્વ સુધી કુમારના રૂપમાં રહ્યા પછી શ્રી પદ્મપ્રભએ રાજ્યપદ ગ્રહણ કર્યું. ૨૧ લાખ પૂર્વથી પણ વધુ વર્ષો સુધી રાજ્ય કર્યા પછી ભોગ્ય કર્મોની ક્ષીણતા જાણી તેઓ મુક્તિમાર્ગની તરફ અગ્રેસર થયા. લોકાંતિક દેવોની પ્રાર્થના પર એમણે એક વર્ષ સુધી દાન આપી કારતક કૃષ્ણ ત્રયોદશી(તેરશ)ના દિવસે બે દિવસીય નિર્જળ ષષ્ટમભક્ત તપની સાથે વિધિપૂર્વક દીક્ષા લીધી. એ સમયે રાજન્ય આદિ વર્ગોના એક હજાર અન્ય પુરુષોએ એમની સાથે દીક્ષા ગ્રહણ કરી. બીજા દિવસે બ્રહ્મસ્થળના જૈન ધર્મનો મૌલિક ઇતિહાસ
૩૭ ૧૦૯
